کیا راج گنج میں 100 کروڑ روپے کا پروجیکٹ بند ہو جائے گا؟

راج گنج 5جنوری :کیا راج گنج میں 100 کروڑ روپے کا پروجیکٹ بند ہو جائے گا؟ شمالی بنگال کے صنعت کار وشال اگروال، ترنمول کانگریس کے مبینہ حمایت یافتہ شرپسندوں کے مسلسل ظلم و ستم سے تنگ آ کر اب وزیر اعلیٰ سے رجوع کرنے والے ہیں۔ اس معاملے نے ایک سیاسی تنازعہ کھڑا کر دیا ہے۔ وشال اگروال کی پہل پر سال 2020 میں ضلع جلپائی گوڑی کے راج گنج بلاک کے بندھو نگر میں تقریباً 100 کروڑ روپے کی لاگت سے ٹاٹا کمپنی کا سیلز اینڈ سروس سینٹر قائم کیا گیا تھا۔ 12 بیگھہ سے زائد زمین پر پھیلے اس ادارے سے نہ صرف تجارتی گاڑیاں فروخت کی جاتی ہیں، بلکہ یہاں ٹاٹا کی تیار کردہ فوج کی میزائل اور اسلحہ لے جانے والی گاڑیوں کی مرمت اور دیکھ بھال کی تمام خدمات بھی فراہم کی جاتی ہیں۔ یہاں 300 سے زائد افراد برسرِ روزگار ہیں۔ شوروم انتظامیہ کا الزام ہے کہ گزشتہ ایک ماہ سے زائد عرصے سے ترنمول کے مبینہ حمایت یافتہ کچھ شرپسند اس شوروم کی جگہ پر قبضہ کرنے کی کوشش کر رہے ہیں۔ یہ الزام بھی لگایا گیا ہے کہ وہ زمین پر کمرے بنا رہے ہیں اور باونڈری وال (چار دیواری) کھڑی کر کے علاقے کو گھیر رہے ہیں۔

Source: PC- tv9bangla