کوئلہ اسمگلنگ میں پولیس ملوث؟ انوبرت نے کر دیا بڑا دعویٰ

بیربھوم19فروری :مویشی اسمگلنگ کیس میں تہاڑ جیل میں طویل وقت گزارنے کے بعد انوبرت منڈل واپس آ گئے ہیں۔ ایک وقت تھا جب بیر بھوم میں ان کی طوطی بولتی تھی، اور اب وہ دوبارہ سیاست میں سرگرم ہو رہے ہیں۔ چند دن قبل آئی سی لٹن ہالدار کے خلاف نازیبا الفاظ استعمال کرنے پر تنازع میں گھرنے والے انوبرت نے اب پولیس کے خلاف بڑا الزام لگایا ہے۔ انوبرت کے بقول، تمام پولیس والے ایک جیسے نہیں ہوتے لیکن کچھ پولیس والے "گندگی" (غیر قانونی کاموں) میں ملوث ہیں۔ انوبرت کا دعویٰ ہے کہ انہوں نے ان تمام معاملات سے پولیس سپرنٹنڈنٹ کو آگاہ کر دیا ہے۔ انہوں نے یہ بھی بتایا کہ ان کے کہنے پر ہی اب 'ناکا چیکنگ' (تلاشی) جاری ہے۔ انوبرت کا دعویٰ ہے کہ انہیں مقامی لوگوں سے اطلاع ملی ہے کہ رام پور ہاٹ، محمد بازار اور سیوری کے راستے جھارکھنڈ یا دیگر ریاستوں سے (غیر قانونی) کوئلہ داخل ہو رہا ہے۔

Source: PC- tv9bangla