کولکتہ سمیت جنوبی بنگال میں طوفانی بارشوں کا امکان

محکمہ موسمیات کے مطابق، مغربی بنگال اور اس سے ملحقہ بنگلہ دیش کے اوپر موجود ایک گردشی ہوا کے دباواور شمال مغربی بہار سے منی پور تک پھیلی ہوئی ایک ٹرف لائن کے مشترکہ اثر سے کولکتہ سمیت جنوبی بنگال میں طوفانی بارشوں کا امکان پیدا ہو گیا ہے۔ اس کی وجہ سے خلیج بنگال سے بڑی مقدار میں نمی خشکی کی طرف داخل ہو رہی ہے۔ کولکتہ میں 60 کلومیٹر فی گھنٹہ کی رفتار سے تیز ہوائیں چل سکتی ہیں۔ اس کے ساتھ گرج چمک کے ساتھ بارش کا امکان ہے۔ محکمہ موسمیات نے بتایا ہے کہ جنوبی بنگال کے آٹھ اضلاع میں اولہ باری ہو سکتی ہے۔جنوبی بنگال میں طوفان اور بارش کا یہ سلسلہ آنے والے منگل تک جاری رہ سکتا ہے۔ بدھ سے حالات میں بہتری آنے کا امکان ہے۔شمالی بنگال کے اضلاع میں بھی خراب موسم کی پیش گوئی کی گئی ہے، جہاں بھاری بارش کا امکان ظاہر کیا گیا ہے۔طوفان کے دوران محفوظ مقامات پر رہنے کا مشورہ دیا گیا ہے۔ سطح سمندر سے 0.9 کلومیٹر کی بلندی پر موجود اس گردشی دباو کی وجہ سے ساحلی علاقوں میں بھی ہواوں کا زور زیادہ رہے گا۔

Source: PC- anandabazar