خوف سے چارپائی کے نیچے چھپا ترنمول لیڈر کو پولس نے گرفتار کرلیا

آواس یوجنا کے فائدہ اٹھانے والوں سے کٹمنی لینے کے الزام میں ماتھابھانگا کے جورپاٹکی کے بااثر ترنمول لیڈر شاہدل مِیاں کو گرفتار کر لیا گیا۔ گزشتہ کچھ دنوں سے وہ فرار تھا۔ بدھ کی شام شاہدل کے گھر جا کر پولیس نے اسے چارپائی کے نیچے سے نکال کر گرفتار کر لیا۔ گھر سے باہر نکالتے وقت علاقے کے لوگوں کے احتجاج کا سامنا کرنا پڑا اس ترنمول لیڈر کو۔ بتایا گیا ہے کہ شاہدل مِیاں کی بیوی ماتھابھانگا کے جورپاٹکی گاوں پنچایت کی رکن ہیں۔ شاہدل خود ماتھابھانگا تھانے میں سِوِک والینٹیئر کے طور پر کام کرتا تھا۔ اسی وجہ سے علاقے میں اس کا خاص اثر و رسوخ تھا۔ وہ اپنے آپ کو ترنمول لیڈر کے طور پر پہچان کراتا تھا۔ اثر و رسوخ استعمال کرکے علاقے کے آواس یوجنا کے فائدہ اٹھانے والوں سے 5 ہزار، 10 ہزار حتیٰ کہ 20 ہزار روپے تک کٹمنی لینے کا الزام شاہدل پر عائد کیا گیا ہے۔ اس الزام کو لگا کر اسے گرفتار کرنے کے مطالبے پر 25 مئی کو علاقے والوں نے احتجاج کیا تھا۔ اس کے بعد سے ملزم ترنمول لیڈر فرار تھا۔ کٹمنی کا الزام عوامی ہونے کے بعد ماتھابھانگا تھانے نے شاہدل کو معطل کر دیا۔ لیکن علاقے میں وہ نظر نہیں آ رہا تھا۔ اس کی تلاش میں پولیس نے چھان بین شروع کر دی۔

Source: PC-sangbadpratidin