کولکاتا25جون :پولیس نے کالی گنج میں بم دھماکے میں ایک نابالغ کی موت کے معاملے میں ایک اور ملزم کو گرفتار کیا ہے۔ پولیس نے بتایا کہ شریف الشیخ نامی ملزم کو بدھ کے روز گرفتار کیا گیا۔ اس واقعے میں اب تک کل پانچ افراد کو گرفتار کیا جا چکا ہے۔ پولیس ذرائع کے مطابق شریفول کا نام ان 24 لوگوں میں شامل تھا جن کے خلاف نابالغ کے اہل خانہ نے تحریری شکایت درج کرائی تھی۔دوسری جانب متوفی نابالغ تمنا خاتون کی والدہ سبینہ بی بی نے سپرنٹنڈنٹ آف پولیس کے 'حادثاتی' تبصرہ پر برہمی کا اظہار کیا ہے۔ بم حملے میں نابالغ کی موت کے بعد کرشن نگر پولیس کے سپرنٹنڈنٹ امرناتھ کے جائے وقوعہ کا معائنہ کرنے گئے۔ وہاں، اس نے تبصرہ کیا، نابالغ کی موت حادثاتی بم پھٹنے کی وجہ سے ہوئی۔" نابالغ کے اہل خانہ پہلے ہی اس تبصرہ کو واپس لینے کا مطالبہ کر چکے ہیں۔ تمنا کی والدہ نے کہا کہ یہ منصوبہ بند قتل ہے، اسے حادثہ قرار دے کر جرم کی سنگینی کو کسی طور پر کم نہیں کیا جا سکتا، میں پولیس سے حادثے کا بیان واپس لینے کی درخواست کروں گی۔ حالانکہ پولس نے اس معاملے پر اپنا منہ نہیں کھولا لیکن انہوں نے بتایا ہے کہ اعلیٰ سطحی تحقیقات جاری ہیں۔

Source: Mashriq News service