کل سے ایس آئی آر کی سماعت شروع، نام غلط ہونے پر بھی کیا فہرست سے نام خارج ہو جائے گا؟

کولکاتا26دسمبر:ایس آئی آر کا ایک مرحلہ مکمل ہو گیا ہے۔ دوسرا مرحلہ کل سے شروع ہوگا۔ ذرائع کے مطابق 27 دسمبر سے ایس آئی آر کی سماعت (Hearing) شروع ہوگی۔ ابتدائی مرحلے میں 10 لاکھ ووٹروں کو سماعت کے لیے بلائے جانے کی اطلاع ہے۔ جن لوگوں کے نام 2002 کی ووٹر لسٹ میں نہیں مل سکے، انہیں سماعت کے لیے بلایا جائے گا۔ اگر نام یا کسی اور معلومات میں غلطی ہے تو اس کی اصلاح بی ایل او (BLO) خود کر دیں گے۔ اس کے لیے سماعت میں جانے کی ضرورت نہیں ہوگی۔ سماعت کی ذمہ داری ERO اور AERO پر ہوگی۔ کولکتہ میں سرکاری اسکولوں اور کالجوں میں سماعت ہوگی، جبکہ اضلاع میں سماعت کہاں ہوگی اس کا فیصلہ ضلع انتظامیہ کرے گی۔ معتبر دستاویزات دکھانے پر ہی حتمی ووٹر لسٹ میں نام شامل کیا جائے گا۔ باراسات میں 33 ہزار ان میپڈ (Un-mapped) ووٹرز کو سماعت کے لیے بلایا گیا ہے۔ سماعت کے اوقات درج ذیل ہیں: پہلا مرحلہ: صبح 9 بجے سے 11 بجے تک۔ دوسرا مرحلہ: دوپہر 12 بجے سے 2 بجے تک۔ تیسرا مرحلہ: سہ پہر 3 بجے سے شام 5 بجے تک۔

Source: PC- tv9bangla