کاکولی گھوش دستی دار باغی ایم پی کی لسٹ لے کر پریشانی میں،اسپیکر کو لسٹ ہی نہیں ملی

کاکولی کے ریمارکس ایسے وقت میں آئے ہیں جب باغی کیمپ کی طاقت کے بارے میں ابھی تک غیر یقینی صورتحال برقرار ہے۔باراسات کی رکن پارلیمان نے بارہا نام لیے بغیر دعویٰ کیا ہے کہ ترنمول کے 28 لوک سبھا اراکین میں سے 20 نے اسپیکر کو خط لکھ کر علیحدہ گروپ کے طور پر تسلیم کیے جانے اور این ڈی اے حکومت کی حمایت کی درخواست کی ہے۔ لیکن اسپیکر کے دفتر کے ذرائع نے کہا کہ ابھی تک ایسا کوئی خط موصول نہیں ہوا ہے۔جمعرات کو، ان میں سے دو ایم پیز جن کے بارے میں کہا جا رہا تھا کہ وہ 20 میں شامل ہیں، نے عوامی طور پر کسی بھی علیحدگی کی کارروائی میں شامل ہونے سے انکار کر دیا۔آسنسول کے ایم پی شتروگھن سنہا نے کہا: "میں ٹی ایم سی اور ممتاجی کے ساتھ تھا، ہوں، اور رہوں گا۔جئے نگر کی ایم پی پرتیما مانڈل نے بھی خود کو باغی کیمپ سے جوڑنے والی خبروں کو مسترد کر دیا۔انہوں نے بتایا: "یہ خبر مکمل طور پر جھوٹی ہے…. اس جھوٹی خبر کو پھیلانے والوں سے میں پوچھتی ہوں، 'آپ وہ خط کیوں نہیں جاری کرتے جس پر ہر ایک (باغی ایم پی) کے دستخط ہوں؟بدھ کی رات دیر گئے، کاکولی سمیت کچھ باغی ایم پیز کے مرکزی وزیر ماحولیات بھوپیندر یادو کی رہائش گاہ پر دوسری بار ملاقات کرنے کی اطلاع ہے۔مغربی بنگال کے وزیر اعلیٰ سوویندو ادھیکاری، جو نریندر مودی حکومت کے 12 سال مکمل ہونے کی این ڈی اے تقریب اور نیتی آیوگ کے اجلاس میں شرکت کے لیے دہلی میں تھے، وہاں موجود تھے۔باغی کیمپ کے ذرائع نے دعویٰ کیا کہ جادوپور کی ایم پی ساﺅنی گھوش، جنہیں ممتا کی سب سے وفادار سمجھا جاتا ہے، نے اجلاس میں شرکت کی اور علیحدہ گروپ میں شامل ہونے پر اتفاق کیا۔انہوں نے کہا کہ ایم پی مالا رائے بھی موجود تھیں اور انہوں نے اور ساﺅنی دونوں نے اسپیکر کو پیش کیے جانے والے خط پر دستخط کر دیے ہیں۔ساﺅنی اور مالا رائے میں سے کسی نے بھی عوامی طور پر ان دعووں کی تصدیق یا تردید نہیں کی ہے۔کاکولی شام کو کلکتہ پہنچیں۔ انہوں نے اے این آئی کو بتایا: "ابھی تک 20 ایم پیز ہیں لیکن تعداد بڑھ سکتی ہے۔ لوگ ہم سے بات چیت کر رہے ہیں۔ میں جلد واپس (دہلی) جاوں گی کیونکہ ہمارا کام نامکمل ہے۔

Source: PC-telegraphindia.com