وہ اپنے بھائی سے چند لاکھ روپے ادھار لے کر آن لائن جوا کھیلتا تھا۔ یہاں تک کہ وہ تقریباً 10 لاکھ روپے جیت چکا تھا۔ لیکن خوشی زیادہ دیر قائم نہ رہ سکی۔ بعد میں وہ ساری رقم کھو بیٹھا اور بے سہارا ہوگیا۔ ایک بار پھر، اس کے خاندان کی طرف سے اپنے بھائی سے ادھار کی رقم واپس کرنے کے لیے دباو ڈالا گیا۔ آخر کار مرشد آباد کے نوجوان نے اپنا ایک گردہ بیچ دیا۔ اس کے بعد بھی وہ مالی فراڈ کے الزام میں پولیس کے ہاتھوں پکڑا گیا۔ نوجوان کا نام روشن زماںہے۔ روشن مرشد آباد کے بھگوانگولا علاقے کے گاوں پرہار سندر پور کا رہنے والا ہے۔ روشن ایک ڈیلیوری کمپنی میں ملازم ہے۔ کام کی وجہ سے وہ کئی دنوں سے برہم پور میں ایک میس میں مقیم تھا۔ پولس نے اسے اتوار کو وہاں سے گرفتار کر لیا۔ مقامی ذرائع کے مطابق روشن نے خاندان کے باہر کے لوگوں سے بھی کئی لاکھ روپے ادھار لیے تھے۔ اس کے بعد، وہ آن لائن جوئے میں بہت بڑی رقم ہار گیا۔ اس کے بعد رقم کی واپسی کے لیے روشن نے گھر والوں کے علم میں لائے بغیر اپنا ایک گردہ بیچ دیا۔ جب یہ کام نہ ہوا تو اس نے دھوکہ دہی کا سہارا لیا۔

Source: Mashriq News service