ہولی (دال) کے رنگوں میں رنگے بی جے پی کے نندی گرام پنچایت پردھان کی شراب نوشی کی محفل! ترنمول کانگریس کی کڑی تنقید۔

ہولی کے دن رنگوں میں رنگے بی جے پی کے ایک پنچایت پردھان کی شراب کی محفل میں بیٹھے ہوئے تصویر سوشل میڈیا پر وائرل ہونے کے بعد سیاسی حلقوں میں مذمت کا طوفان کھڑا ہو گیا ہے۔ معلوم ہوا ہے کہ یہ تصویر نندی گرام 1 بلاک کے احمد آباد 2 گرام پنچایت کے بی جے پی پردھان پورنا چندرا منڈل کی ہے۔ اگرچہ اس وائرل تصویر کی سچائی کی آزادانہ طور پر تصدیق نہیں ہو سکی ہے۔ تصویر میں دیکھا جا سکتا ہے کہ بی جے پی لیڈر ہولی کے دن زعفرانی ابیر لگائے چند لوگوں کے ساتھ بیٹھے ہیں۔ ان کے سامنے ایک تھالی میں کچھ پھل رکھے ہیں، ایک پلاسٹک کا گلاس ہے اور ساتھ ہی شراب کی ایک بوتل بھی موجود ہے، جس سے واضح ہوتا ہے کہ رنگ کھیلنے کے بعد پردھان اپنے ساتھیوں کے ساتھ محفل جمائے بیٹھے ہیں۔ پردھان کی یہ تصویر وائرل ہوتے ہی ترنمول کانگریس نے سوالات اٹھائے ہیں۔ ان کا کہنا ہے کہ ہولی کے تہوار کے ساتھ ہندوو¿ں کے جذبات جڑے ہوئے ہیں۔ جو لوگ خود کو 'ہندو سناتنی' ہونے کا دعویٰ کرتے ہیں، وہی ہولی کے دن شراب کی محفل سجا کر بیٹھے ہیں۔

Source: PC- sangbadpratidin