ہیٹ اسٹروک سے نمٹنے کے لیے ہنگامی ہدایات جاری

بیساکھ کے آغاز کے ساتھ ہی مغربی بنگال میں گرمی کی شدت میں اضافہ ہو رہا ہے، جس کے پیشِ نظر محکمہ صحت نے ہیٹ اسٹروک سے نمٹنے کے لیے ہنگامی ہدایات جاری کر دی ہیں۔ ریاست کے تمام سرکاری ہسپتالوں میں خصوصی انتظامات کیے جا رہے ہیں۔ہر سرکاری ہسپتال اور صحت مرکز میں ہیٹ اسٹروک کے مریضوں کے لیے دو علاحدہ بیڈز مختص کرنے کا حکم دیا گیا ہے۔ان مریضوں کے لیے مخصوص کمروں میں بہتر ہوا دان، اے سی ، ایئر کولر اور تیز رفتار پنکھوں کا انتظام لازمی قرار دیا گیا ہے۔ہسپتال انتظامیہ کو ہدایت دی گئی ہے کہ وہ گرمی سے بیمار مریضوں کے لیے بلاتعطل بجلی کی فراہمی کو یقینی بنائیں۔محکمہ صحت نے ہسپتالوں کو درج ذیل سامان وافر مقدار میں رکھنے کی ہدایت دی ہے۔ لورازیپم ، ڈائزیپم اور ایڈرینالین پورولیا، بانکڑا اور بیربھوم جیسے اضلاع جہاں درجہ حرارت 40 ڈگری سے تجاوز کر جاتا ہے، وہاں خصوصی توجہ دی جا رہی ہے۔یہ ہدایات شمالی بنگال کے پہاڑی علاقوں (دارجلنگ اور کالمپونگ) کے علاوہ تمام اضلاع پر لاگو ہوں گی۔سرکاری ہسپتالوں کے ساتھ ساتھ نجی ہسپتالوں کو بھی الرٹ رہنے اور ہنگامی حالات کے لیے تیار رہنے کو کہا گیا ہے۔

Source: PC-sangbadpratidin