ہر ای وی ایم میں جی پی ایس ٹریکر لگا ہوا ہے : چیف الیکٹورل افسر

مغربی بنگال کے انتخابی تاریخ میں پہلی بار ای وی ایم مشینوں کی حفاظت کے لیے ایک بے نظیر قدم اٹھایا گیا ہے۔ ریاست کے چیف الیکٹورل آفیسر منوج اگروال نے مشینوں میں ہیرا پھیری یا 'کارچوپی' کے تمام خدشات کو مسترد کرتے ہوئے جپیس ٹریکنگ کے نظام کی تصدیق کی ہے۔ ہر ای وی ایم میں جی پی ایس ٹریکر، دھاندلی کے الزامات پر کمیشن کا دو ٹوک جواب پہلے مرحلے کی پولنگ کے بعد جہاں ایک طرف ریکارڈ ووٹنگ (تقریباً 92 فیصد) درج کی گئی، وہیں دوسری طرف حکمران جماعت اور اپوزیشن دونوں کی جانب سے ای وی ایم میں چھیڑ چھاڑ کے الزامات سامنے آئے۔ یہاں تک کہ وزیراعلیٰ ممتا بنرجی نے بھی اس پر تشویش کا اظہار کیا۔ تاہم، الیکشن کمیشن نے ان تمام خدشات کو بے بنیاد قرار دے دیا ہے۔ چیف الیکٹورل آفیسر منوج اگروال نے بتایا کہ اس بار بنگال میں پہلی بار ہر ای وی ایم مشین میں جی پی ایس ٹریکر لگایا گیا ہے۔ اس ٹیکنالوجی کی مدد سے ہر مشین کی نقل و حرکت پر پل پل کی نظر رکھی جا رہی ہے، جس کی وجہ سے مشینوں کے ساتھ کسی بھی قسم کی ہیرا پھیری کا کوئی امکان نہیں بچا ہے۔

Source: PC-sangbadpratidin