رانچی، 11 اپریل (:سی پی آئی ماؤسٹ کے ایک کروڑ کے انعامی نکسلی پتیرام مانجھی اور مسیر بیسرا کے استحصال سے پریشان ایک نابالغ سمیت 15 نکسلیوں نے خودسپردگی کردی ہے۔ چائباسا پولیس لائن میں آج منعقد پروگرام کے دوران تمام نکسلیوں نے ڈی آئی جی منوج رتن چہارم، ڈی سی کلدیپ چودھری اور ایس پی آشوتوش شیکھر کے سامنے خودسپردگی کی۔ ان تمام 14 نکسلیوں کی مجرمانہ تاریخ ہے۔ ان کے خلاف ضلع چائباسا کے مختلف تھانوں میں مقدمات درج ہیں۔ ہتھیار ڈالنے والے نکسلیوں میں پردھان کوڈا، چندروموہن عرف چندرو انگاریا، پگلا گوپ، وجے بویاپائی، گنگا رام پورتی، بویو کوڈا، جوگین کوڈا، پالونگ کوڈا، رامجا پورتی، سوہن سنگھ، سشیل ڈورین چمپیا، سونو چمپیا، منی چمپیا، موگا چمپیا، ایک نابالغ نکسلی شامل ہے ۔ پولیس سپرنٹنڈنٹ نے کہا کہ سال 2022 سے چائی باسا ضلع میں نکسلیوں کے خلاف مسلسل مہم چلائی جا رہی ہے۔ 2022 سے اب تک کل ملاکر 161 نکسلیوں کو گرفتار کرکے عدالتی حراست میں بھیجا گیا ہے۔ سال 2022 اور 2023 میں کل ملاکر 11 نکسلیوں نے پولیس کے سامنے خودسپردگی کی۔ ان سے بھاری مقدار میں 375 بارودی مواد، اسلحہ، کارتوس اور روزمرہ استعمال کی دیگر اشیاء برآمد کی گئیں۔ اس کے ساتھ ہی نکسلیوں کا مستقل کیمپ، ای آر بی ہیڈکوارٹر، 08-10 عارضی کیمپ اور 15 بنکروں کو منہدم کر دیا گیا۔

Source: uni news