چناﺅ کے نتائج کے فورا بعد مدھیامک کے نتائج جاری کر دیئے جائیں گے

بنگال میں اسمبلی انتخابات کے نتائج کے فوراً بعد میٹرک کے نتائج جاری کرنے کی تیاری مکمل ہو چکی ہے۔ ویسٹ بنگال بورڈ آف سیکنڈری ایجوکیشن نے اس حوالے سے تاریخ کا اعلان کر دیا ہے۔ اس سال میٹرک کے نتائج 8 مئی کو جاری کیے جائیں گے۔ بورڈ نے ابھی تک وقت اور مخصوص ویب سائٹس کا اعلان نہیں کیا ہے، تاہم 8 مئی سے پہلے اس حوالے سے تفصیلی معلومات فراہم کر دی جائیں گی۔ عام طور پر نتائج کا اعلان امتحان ختم ہونے کے 90 دنوں کے اندر کیا جاتا ہے۔اس سال میٹرک کے امتحانات 12 فروری کو ختم ہوئے تھے، اور بورڈ ٹھیک 85 دنوں کے بعد نتائج جاری کر رہا ہے، جو کہ ایک بڑی کامیابی ہے۔ریاست میں انتخابات کی وجہ سے نتائج میں تاخیر کا خدشہ ظاہر کیا جا رہا تھا کیونکہ بہت سے اساتذہ الیکشن ڈیوٹی میں مصروف تھے اور کچھ اساتذہ خود بھی امیدوار کے طور پر الیکشن لڑ رہے ہیں۔ بورڈ کے صدر رامانوج گنگوپادھیائے نے جو وعدہ کیا تھا، وہ پورا ہونے جا رہا ہے۔الیکشن لڑنے والے اساتذہ نے بھی انتخابی مہم میں جانے سے پہلے پرچے جانچنے کا کام مکمل کر لیا تھا۔اپریل کے اندر ہی تمام طلبائ کے نمبر بورڈ کو موصول ہو چکے ہیں اور فی الحال نمبروں کی دوبارہ تصدیق کا کام جاری ہے۔اس سال تقریباً ساڑھے نو لاکھ امیدواروں نے میٹرک کا امتحان دیا ہے، جن کا انتظار اب 8 مئی کو ختم ہونے والا ہے۔

Source: PC-sangbadpratidin