چناﺅ کے دوران امیت شاہ لگاتار سا ت دنوں تک بنگال میں رہیں گے

مغربی بنگال کے انتخابات کے دوران امت شاہ لگاتار سات دن ریاست میں قیام کریں گے! دوسرے مرحلے کے ذمہ دار لیڈروں کے ساتھ دیر رات تک میٹنگ ہوئی۔ مرکزی وزیر داخلہ امت شاہ آئندہ 27 اپریل (پیر) تک کولکتہ میں ہی قیام کریں گے۔ بی جے پی کے ایک ذرائع نے منگل کو یہ اطلاع دی۔ مغربی بنگال میں دوسرے مرحلے کی پولنگ 29 اپریل کو ہوگی، جس کے لیے مہم کا وقت پیر کو ختم ہو رہا ہے۔ جب جمعرات (23 اپریل) کو پہلے مرحلے کی ووٹنگ ہوگی، تب بھی شاہ ریاست میں ہی موجود ہوں گے۔ امت شاہ نے منگل کی دیر رات نیو ٹاون میں بی جے پی کے دفتر میں دوسرے مرحلے کے انتخابات کی حکمت عملی پر تبادلہ خیال کرنے کے لیے میٹنگ کی۔ اس میٹنگ میں ان علاقوں کے ضلع صدور، ضلع انچارج اور پرواسی ضلع انچارج بلائے گئے تھے جہاں دوسرے مرحلے میں انتخابات ہونے ہیں۔ میٹنگ میں چار تنظیمی زونز کے ذمہ دار بی جے پی لیڈروں کو مدعو کیا گیا تھا، جن کے تحت 13 تنظیمی اضلاع آتے ہیں۔ شاہ کے علاوہ بی جے پی کے مرکزی رہنما بھوپیندر یادو، بپلب دیو، سنیل بنسل اور امت مالویہ بھی موجود تھے۔

Source: PC-anandabazar