انتخابی مہم کے دوران آسنسول میں کانگریس ورکر کا قتل

مغربی بنگال میں پہلے مرحلے کی پولنگ کے فوراً بعد آسنسول میں ’انتخابی مہم کے بعد کے تشدد‘ کا پہلا واقعہ سامنے آیا ہے، جس میں ایک کانگریس کارکن کی ہلاکت کے بعد سیاسی ماحول کشیدہ ہو گیا ہے۔ریاست میں ’انتخابی مہم کے بعد کے تشدد‘ میں پہلی موت! آسنسول میں کانگریس کارکن کے ’قتل‘ پر ترنمول کٹہرے میںکھڑ ا کیا گیا۔آسنسول میں پرامن پولنگ کے دعووں کے درمیان جمعہ کی رات ایک کانگریس کارکن کی ہلاکت سے سنسنی پھیل گئی۔ ہفتہ کی صبح اس واقعے کے خلاف شدید احتجاج کیا گیا۔ہلاک ہونے والے شخص کا نام دیودیپ چٹرجی ہے، جو آسنسول نارتھ اسمبلی حلقہ کے ایک رہائشی کمپلیکس کا باشندہ تھا۔ آسنسول نارتھ سے کانگریس امیدوار پرسنجیت پوئی تونڈی نے ترنمول کانگریس پر براہ راست الزام لگایا ہے۔ ان کا کہنا ہے کہ جب دیودیپ جمعہ کی رات گھر لوٹ رہے تھے، تو ترنمول کے مبینہ غنڈوں نے ان کی گاڑی کو گھیر لیا اور انہیں اس قدر بے رحمی سے مارا پیٹا کہ ان کی موت ہو گئی۔ اپوزیشن جماعتیں اسے انتخابی تشدد کی پہلی ہلاکت قرار دے رہی ہیں۔ کانگریس کارکنوں نے میت کو آسنسول ساوتھ پولیس چوکی کے سامنے رکھ کر احتجاجی مظاہرہ کیا اور انصاف کا مطالبہ کیا۔ اگرچہ علاقے میں صورتحال کافی کشیدہ ہے، لیکن رپورٹ کے مطابق ابھی تک اس معاملے میں پولیس میں کوئی باضابطہ شکایت درج نہیں کرائی گئی ہے۔ پولیس صورتحال پر نظر رکھے ہوئے ہے۔اس واقعے نے دوسرے مرحلے کی پولنگ سے قبل ریاست میں امن و امان کی صورتحال اور سیاسی تصادم کے خدشات کو مزید بڑھا دیا ہے۔

Source: PC-sangbadpratidin