مغربی بنگال میں انتخابی شکست کے باوجود ممتا بنرجی کے استعفیٰ نہ دینے کے فیصلے پر بی جے پی لیڈر دلیپ گھوش نے سخت تنقید کی ہے۔ انہوں نے ممتا بنرجی کا موازنہ امریکہ کے سابق صدر ڈونلڈ ٹرمپ سے کرتے ہوئے انہیں "ساڑھی والی ٹرمپ" قرار دیا ہے۔دلیپ گھوش نے کہا کہ جس طرح ٹرمپ نے اپنی ہار تسلیم کرنے سے انکار کر دیا تھا، ممتا بنرجی بھی وہی کر رہی ہیں۔ انہوں نے طنزاً کہا کہ "وہ ساڑھی پہننے والی ڈونلڈ ٹرمپ ہیں۔"بی جے پی لیڈر کا دعویٰ ہے کہ دو دن میں ان کے اقتدار کا نشہ اتر جائے گا اور عوام نے انہیں مسترد کر دیا ہے، اس لیے اب انہیں کالی گھاٹ واپس جانا ہی پڑے گا۔انہوں نے الزام لگایا کہ ممتا بنرجی کو نہ تو عدالت پر بھروسہ ہے، نہ الیکشن کمیشن پر اور نہ ہی عوام کے فیصلے پر۔ وہ کسی کی بات ماننے کو تیار نہیں ہیں۔دلیپ گھوش نے کہا کہ ممتا بنرجی کی اب ریٹائرمنٹ کی عمر ہو چکی ہے اور عوامی مینڈیٹ کو تسلیم کرنا ان کے لیے بہتر ہوگا۔مغربی بنگال میں بی جے پی کی اکثریت کے بعد پیدا ہونے والی اس سیاسی صورتحال پر دلیپ گھوش کے اس بیان نے بحث چھیڑ دی ہے۔