چندر کونا میںر آلو کے کاشتکار کی اچانک موت سے علاقے میں کہرام

مغربی مدنا پور کے چندر کونا میں ایک اور آلو کے کاشتکار کی اچانک موت نے علاقے میں کہرام مچا دیا ہے۔ مہلک دل کا دورہ پڑنے سے جاں بحق ہونے والے کسان کی شناخت ہری پد باغ (36) کے طور پر ہوئی ہے، جو چندر کونا بلاک 1 کے جھاڑول گاوں کے رہائشی تھے۔ہری پد ایک 'بھاگ چاشی' (حصہ دار کسان) تھے، جنہوں نے تقریباً 3 بیگھہ زمین پر آلو کی کاشت کی تھی۔ ایک طرف مارکیٹ میں آلو کی مناسب قیمت نہ ملنا اور دوسری طرف مسلسل تین دن کی بارش کی وجہ سے کھیت سے فصل نہ نکال پانے کا خوف انہیں شدید ذہنی تناو میں مبتلا کیے ہوئے تھا۔اہل خانہ کے مطابق، وہ گزشتہ کئی دنوں سے فصل کے نقصان اور قرض کے بوجھ کی وجہ سے گہری تشویش میں تھے۔ اتوار کو اچانک ان کے سینے میں درد شروع ہوا، جس کے بعد انہیں گھاٹال سب ڈویڑنل ہسپتال لے جایا گیا، جہاں ڈاکٹروں نے انہیں مردہ قرار دے دیا۔ موت کی وجہ ہارٹ اٹیک بتائی گئی ہے۔اس موت کے بعد علاقے میں ترنمول کانگریس اور بی جے پی کے درمیان سیاسی الزام تراشی کا سلسلہ شروع ہو گیا ہے۔ چندر کونا سے ترنمول امیدوار سوریا کانت دولوئی نے متاثرہ خاندان سے ملاقات کی اور ہر ممکن سرکاری امداد کا یقین دلایا۔مغربی مدنا پور میں آلو کے کاشتکاروں کی پے در پے اموات اور موجودہ زرعی بحران اب ریاست کے انتخابی ماحول میں ایک بڑا انسانی اور سیاسی مسئلہ بنتا جا رہا ہے۔

Source: PC- tv9bangla