چمپا ہاٹی پٹاخہ فیکٹری دھما،: چار زخمیوں میں سے تین کی موت

13جنوری :گزشتہ ہفتہ کی صبح چمپا ہاٹی کے ہارال میں ایک پٹاخہ فیکٹری میں دھماکہ ہوا۔ دھماکہ اتنا زوردار تھا کہ ایسبیسٹس کی چھت اڑ گئی اور پکی اینٹوں سے بنی دیواریں زمین بوس ہوگئیں۔ آس پاس کے گھروں کو بھی معمولی نقصان پہنچا ہے۔ وہاں سے چار مزدوروں— گور ہری گنگوپادھیائے، بسواجیت منڈل، راہول اور کشن ادھیکاری کو تشویشناک حالت میں نکال کر کولکتہ کے دو اسپتالوں میں داخل کرایا گیا تھا۔چمپا ہاٹی دھماکے کے زخمیوں میں سے مزید دو افراد دم توڑ گئے ہیں۔ پیر کی رات بائی پاس کے قریب ایک اسپتال میں زخمی نوجوان راہول پوئی نے آخری سانس لی۔ اس کے ساتھ ہی اس واقعے میں زخمی ہونے والے چار افراد میں سے تین کی موت ہو چکی ہے۔ باقی ایک زخمی کا علاج ایم آر بانگر اسپتال میں جاری ہے۔ دوسری طرف، جنوبی 24 پرگنہ کی اس پٹاخہ فیکٹری کے مالک کے خلاف مقدمہ درج کر لیا گیا ہے، تاہم وہ اب بھی مفرور ہے۔گزشتہ اتوار کو گور ہری کی ایم آر بانگر اسپتال میں موت ہوئی تھی۔ پیر کو بسواجیت بائی پاس کے قریب واقع اسپتال میں چل بسے۔ منگل کی دوپہر معلوم ہوا کہ راہول کی بھی موت ہو گئی ہے۔

Source: PC- anandabazar