چچا زاد بھائی نے بھائی کو تیز دھار والے ہتھیار سے ہلاک کر دیا

جئے نگر میں بھائی کے ہاتھوں بڑے بھائی کا قتل ہوگیا ۔ تالاب کی ملکیت کو لے کر یہ واقعہ رونما ہوا ۔ واقعے کے بعد جنوبی 24 پرگنہ کے جے نگر کے بہڑو علاقے میں سنسنی پھیل گئی۔ واقعہ عوام میں آنے کے بعد سے ملزم فرار ہے۔ مقتول کا نام دودھ کمار ویدھ ہے۔ وہ تاجپور میتھانی گاوں کا رہنے والا تھا۔ منگل کی رات کاروبار کے سلسلے سے کام کر کے سائیکل پر گھر لوٹ رہے تھے۔ گھر سے کچھ فاصلے پر ان کے چچا کے بیٹے نیمائی ویدھ نے راستہ روک لیا۔ الزام ہے کہ کچھ سمجھنے سے پہلے ہی دودھ کمار کو سائیکل سے اتار کر دھار ہتھیار سے اندھا دھند وار کرنے لگا۔ شدید زخمی ہو کر دودھ کمار وہیں گر گئے اور موقع پر ہی ان کی موت ہو گئی۔ اطلاع ملنے پر جے نگر تھانے کی پولیس موقع پر پہنچی۔ لاش کو پوسٹ مارٹم کے لیے بھیج دیا گیا۔ ایک تالاب کی ملکیت اور مچھلی پکڑنے کو لے کر دودھ کمار ویدھ اور ان کے چچا کے بیٹے نیمائی کے درمیان طویل عرصے سے تنازع چل رہا تھا۔ گزشتہ اتوار کو اسی تالاب میں مچھلی پکڑنے کو لے کر دونوں بھائیوں کے درمیان شدید تلخ کلامی اور جھگڑا ہوا تھا۔ اس کے بعد سے دونوں خاندانوں میں کشیدگی بڑھتی جا رہی تھی۔ مقامی لوگوں کے مطابق، اسی جھگڑے کے نتیجے میں دودھ کمار کو قتل کرنا پڑا۔

Source: PC-sangbadpratidin