مرکزی فورس کے جوان پر بچی کےساتھ مبینہ جنسی زیادتی کا الزام

مغربی بنگال میں دوسرے مرحلے کی رائے دہی سے قبل، اسنسول کے کولٹی علاقے میں ایک مرکزی فورس کے جوان کی جانب سے 10 سالہ بچی کے ساتھ مبینہ جنسی زیادتی کے واقعے نے شدید کشیدگی پیدا کر دی ہے۔ پولیس نے فوری کارروائی کرتے ہوئے ملزم جوان کو گرفتار کر لیا ہے۔سیتل پور لال بازار سی آئی ایس ایف کیمپ کے قریب۔ اتوار کی دوپہر، جب 10 سالہ بچی اپنے 5 سالہ ساتھی کے ساتھ آم چننے گئی تھی۔سی آئی ایس ایف جوان رماکانت وشوکرما نے مبینہ طور پر بچی کو میٹھے آم دینے کا لالچ دے کر اپنے کوارٹر میں بلایا اور وہاں اس کے ساتھ جنسی زیادتی کی۔بچی نے گھر جا کر اپنی دادی کو تمام بات بتائی، جس کے بعد اہل خانہ نے کولٹی تھانے میں شکایت درج کرائی۔ جیسے ہی یہ خبر پھیلی:مقامی باشندوں اور ترنمول کانگریس کی قیادت نے شدید غصے کا اظہار کیا۔اتوار کی رات سیتل پور کے گیٹ نمبر 3 کے پاس سڑک بلاک کر کے زبردست احتجاج کیا گیا۔سانکتوریا چوکی کی پولیس نے صورتحال کو بگڑتے دیکھ کر فوری طور پر ملزم جوان رماکانت وشوکرما کو گرفتار کر لیا۔ملزم کو پیر کے روز اسنسول عدالت میں پیش کیا جائے گا۔

Source: PC-sangbadpratidin