سی بی آئی ، ای ڈی پر حملہ کرنے والے کو اپنے تحویل میں لینا چاہتی ہے

کولکاتا7جنوری :بشیر ہاٹ کی ذیلی عدالت میں مرکزی تحقیقاتی ایجنسی (CBI) نے شاہجہاں شیخ کیس کے اہم گواہ بھولا گھوش کی گاڑی کو ٹکر مارنے کے واقعے میں گرفتار عبدالکلیم ملا کی تحویل کے لیے درخواست دائر کی ہے۔ سی بی آئی کا دعویٰ ہے کہ علیم ای ڈی افسران پر حملے کے کیس میں بھی ایک اہم ملزم ہے۔ 5 جنوری 2024 کو شاہجہاں کے گھر تلاشی کے لیے جانے والے ای ڈی افسران پر حملہ ہوا تھا، جس کی تحقیقات سی بی آئی کر رہی ہے۔ اس واقعے کے بعد سے علیم مفرور تھا، لیکن بھولا گھوش کیس میں پولیس کے ہاتھوں اس کی گرفتاری کے بعد سی بی آئی متحرک ہو گئی ہے۔ سی بی آئی نے 31 دسمبر کو عدالت سے علیم سے پوچھ گچھ کی اجازت مانگی تھی، جو منظور کر لی گئی۔ جیل میں ابتدائی پوچھ گچھ کے بعد، حکام کا ماننا ہے کہ مزید معلومات کے حصول کے لیے اسے اپنی تحویل میں لینا ضروری ہے۔ اسی بنیاد پر سی بی آئی نے اب عدالت سے ملزم کی چار روزہ تحویل کی استدعا کی ہے۔

Source: PC- anandabazar