کال سنٹر پر چھاپے 10لاکھ روپئے ، زیورات ور مہنگی گھڑیاں بر آمد

کولکاتا17ستمبر :غیر قانونی کال سینٹر کھول کر لاکھوں روپے کے فراڈ کی شکایت درج! کولکتہ میں ایک دفتر کی تلاشی کے دوران پولیس نے 10 لاکھ روپے نقد، سونے کے زیورات اور مہنگی گھڑیاں برآمد کیں۔ دھوکہ دہی کے الزام میں مجموعی طور پر 10 افراد کو گرفتار کیا گیا۔ لالبازار ذرائع کے مطابق امریکی باشندوں کی دھوکہ دہی میں ملوث ملزمان کولکتہ میں مقیم ہیں۔ سائبر پولس اسٹیشن میں ایک ہفتہ قبل دھوکہ دہی کی شکایت درج کی گئی تھی۔ اس کی بنیاد پر پولیس کی متعدد ٹیموں نے منگل کی رات کولکتہ میں متعدد مقامات کی تلاشی لی۔ تفتیش کاروں نے جعلی کال سینٹر کی تلاش میں چھاپہ مارا۔ دو فلیٹوں سے مجموعی طور پر 10 افراد کو گرفتار کیا گیا۔ الزام ہے کہ اس فلیٹ میں دفتر کھول کر دھوکہ دہی کی جارہی تھی۔ ایک پولیس افسر نے بتایا کہ "ہم نے جعلی اور فراڈ کال سینٹر چلانے سے وابستہ لوگوں کی گرفتاری کے لیے چھاپہ مارا، ایک شکایت موصول ہوئی جہاں پے پال جیسی بڑی کمپنی کے ملازمین کے طور پر امریکی شہریوں کو VoIP کالز کی جا رہی تھیں۔ انہیں تکنیکی مدد سمیت مختلف خدمات کا جھوٹا وعدہ کر کے مالی طور پر دھوکہ دیا گیا۔" پولیس نے بتایا کہ اس کیس کے مرکزی ملزم زید خان سے اس بڑی رقم کے علاوہ 10 سو سے زائد موبائل فون بھی برآمد کیے گئے ہیں۔ اینٹلی کے علاقے میں فلیٹ سے 10 مہنگی گھڑیاں برآمد ہوئی ہیں، ان کے علاوہ 2 کاریں بھی قبضے میں لے کر 10 افراد کو عدالت میں پیش کیا جائے گا۔

Source: PC- anandabazar