بوائے فرینڈ کے ساتھ تعلقات میں 'کشیدگی، تکرار کے بعدگیارہویں جماعت کی طالبہ کی 'خودکشی'

بوائے فرینڈ کے ساتھ تعلقات میں خرابی اور طویل بحث و تکرار کے نتیجے میں گیارہویں جماعت کی طالبہ نے مبینہ طور پر خودکشی کر لی۔ کمرے سے اس کی لٹکتی ہوئی لاش برآمد ہوئی ہے۔ یہ واقعہ سلی گوڑی کے راج گنج میں پیش آیا، جس کے بعد علاقے میں شدید سنسنی پھیل گئی ہے۔ پولیس نے لاش کو تحویل میں لے کر پوسٹ مارٹم کے لیے بھیج دیا ہے۔ مقتولہ نابالغہ راج گنج بلاک کے گاوں کانچنشری کی رہائشی تھی اور مقامی اسکول میں گیارہویں جماعت کی طالبہ تھی۔ واقعے کے روز وہ معمول کے مطابق اسکول سے گھر لوٹی اور کھانا کھانے کے بعد اپنے کمرے کا دروازہ اندر سے بند کر لیا۔ شروع میں گھر والوں کو اس میں کچھ غیر معمولی محسوس نہیں ہوا، لیکن کافی دیر تک جب لڑکی کی کوئی آہٹ سنائی نہیں دی، تو گھر والوں نے اسے آوازیں دیں۔ کوئی جواب نہ ملنے پر جب گھر والوں نے کھڑکی سے اندر جھانکا، تو دیکھا کہ لڑکی کی لاش چھت سے لٹک رہی تھی۔

Source: PC- sangbadpratidin