بنگال میں ایس آئی آر کے نام پر ان آر سی تھوپنے کی سازش ہو رہی ہے : ممتابنرجی

کولکاتہ، 28 جنوری: مغربی بنگال کی وزیر اعلیٰ ممتا بنرجی نے بدھ کے روز کہا کہ بھارتیہ جنتا پارٹی (بی جے پی) کی قیادت والی مرکزی حکومت ووٹر فہرست کی 'خصوصی جامع نظرثانی' کے نام پر نیشنل رجسٹر آف سٹیزن (این آر سی) نافذ کرنے کی کوشش کر رہی ہے ، لیکن ریاست میں ایسا نہیں ہونے دیا جائے گا۔ محترمہ بنرجی نے ایس آئی آر سے متعلق پریشانیوں کی وجہ سے ہونے والی اموات پر دکھ کا اظہار کرتے ہوئے کہا، "یہ ایس آئی آر کے نام پر این آر سی نافذ کرنے کی ایک سازش ہے ۔" انہوں نے مزید کہا، "یہ بنگال ہے ۔ ہم کسی کو بھی حراستی کیمپ میں نہیں جانے دیں گے ۔ کوئی این آر سی نہیں ہوگی۔ ہم یہاں آپ کے حقوق کے تحفظ کے لیے موجود ہیں۔" لوگوں کو ڈرائے جانے کا دعویٰ کرتے ہوئے وزیر اعلیٰ نے کہا کہ یہ دھمکیاں کام نہیں آئیں گی۔ انہوں نے کہا، "ڈرو مت، مجھ پر بھروسہ رکھو، وہ کچھ نہیں کر سکتے ۔ وہ لوگوں کو دھمکا رہے ہیں۔ یہ ان کا تکبر ہے ، لیکن ایک بات یاد رکھنا، ہماری حکومت آمر نہیں ہے ۔" انہوں نے کہا کہ الیکشن کمیشن یہ طے کرے گا کہ ووٹر کون ہے ، جبکہ عوام یہ طے کریں گے کہ حکومت کون کرے گا۔ سنگور میں ٹاٹا نینو گرا¶نڈ میں ایک ریلی سے خطاب کرتے ہوئے محترمہ بنرجی نے کہا، "الیکشن کمیشن یہ طے نہیں کرے گا کہ ملک پر کون حکومت کرے گا، ملک کی عوام طے کریں گے ۔" اس عمل میں غلطیوں کا الزام لگاتے ہوئے انہوں نے کہا کہ زندہ لوگوں کو مردہ دکھایا جا رہا ہے اور جوئے گوسوامی اور امرتیہ سین جیسی معروف شخصیات کو بھی بلایا جا رہا ہے ۔ انہوں نے کہا، "وہ کسی کو نہیں چھوڑ رہے ہیں۔"

Source: UNI NEWS