بی جے پی کے نیشنل صد ر بنگال کے دور ے پر آرہے ہیں

مغربی بنگال اسمبلی انتخابات 2026 کے پیش نظر بی جے پی کی جانب سے امیدواروں کے ناموں پر جاری اندرونی ناراضگی کے درمیان، پارٹی کے آل انڈیا صدر نتن نوین بنگال کا دورہ کر رہے ہیں۔بی جے پی کے قومی صدر منگل کو مغربی بنگال پہنچیں گے۔ ان کے اس دورے کا مقصد پارٹی کی تنظیمی حالت کا جائزہ لینا اور انتخابی حکمت عملی کو حتمی شکل دینا ہے۔ریاست کے مختلف حصوں میں بی جے پی امیدواروں کے انتخاب پر کارکنوں میں عدم اطمینان دیکھا جا رہا ہے۔ تاہم، بنگال بی جے پی کی قیادت کا دعویٰ ہے کہ پارٹی میں کوئی بڑی ناراضگی نہیں ہے اور جو کچھ ہوا وہ محض اکا دکا واقعات ہیں۔ بی جے پی کے ریاستی اور مرکزی رہنما طویل عرصے سے یہ دعویٰ کر رہے ہیں کہ 2026 کے انتخابات میں بنگال میں سیاسی تبدیلی (پریورتن) آئے گی۔بیلی گھاٹا سے ترنمول کانگریس کے امیدوار کنال گھوش نے بی جے پی کی اندرونی کھینچا تانی پر طنز کرتے ہوئے چٹکی لی اور بی جے پی کی تنظیمی کمزوریوں کو نشانہ بنایا۔

Source: PC- tv9bangla