بی جے پی کے آتے ہی ریاست میں توڑ پھوڑ اور آتشزنی کے واقعا ت ہوئے

انتخابات کے نتائج کے اعلان کے بعد سے ریاست کے مختلف حصوں میں سیاسی جھڑپوں اور بدامنی کی خبریں موصول ہو رہی ہیں۔ بائیں بازو، بی جے پی اور ترنمول— تینوں پارٹیوں کے کارکنان مختلف مقامات پر حملوں کا نشانہ بنے ہیں۔ وسطی کولکتہ میں پولیس کی اجازت کے بغیر گوشت کی ایک دکان گرانے کے لیے بلڈوزر لانے کا الزام لگایا گیا ہے۔ ترنمول ایم پی ڈیریک او برائن نے اس کی ایک ویڈیو پوسٹ کرتے ہوئے اسے بی جے پی کا 'جشنِ فتح' قرار دے کر تنقید کی ہے۔ پولیس کا کہنا ہے کہ جلوس کی اجازت تھی لیکن بلڈوزر کی نہیں۔باروئی پور ایسٹ کے پھول تلا میں ترنمول کے پارٹی آفس میں توڑ پھوڑ اور وہاں بی جے پی کا جھنڈا لگانے کا الزام لگایا گیا ہے۔ دو گروپوں کے درمیان تصادم روکنے کے دوران نیاجاٹ تھانے کے او سی بھرت پرسوں کر اور ایک کانسٹیبل گولی لگنے سے زخمی ہو گئے ہیں۔ ایک گھر کے اندر سے پولیس پر گولیاں چلائی گئیں۔ کامیاب ترنمول امیدوار بینا منڈل کے گھر پر حملہ کرنے، گالی گلوج، پتھراو اور گاڑیوں کی توڑ پھوڑ کرنے کا الزام بی جے پی پر لگا ہے۔بدکلا موڑ پر ترنمول کے دفتر پر قبضہ کر کے بی جے پی کا جھنڈا لگانے اور فرنیچر کو آگ لگانے کے واقعے کے بعد نیشنل ہائی وے 12 سے ملحقہ علاقہ میدانِ جنگ بن گیا۔ان علاقوں میں ترنمول کے کئی دفاتر پر قبضہ اور توڑ پھوڑ کرنے کا الزام بی جے پی پر عائد کیا گیا ہے۔ بی جے پی کی جیت کی خوشی میں ابیر کھیلنے (رنگ اڑانے) کے جرم میں یادو بر (48) نامی بی جے پی کارکن کو پیٹ پیٹ کر قتل کرنے کا الزام ترنمول پر لگا ہے۔ پولیس نے ایک شخص کو گرفتار کر لیا ہے۔ ابیر شیخ نامی ترنمول کارکن کو سڑک پر چھرا گھونپ کر قتل کرنے کا الزام بی جے پی حامیوں پر لگایا گیا ہے۔کاندرا گاوں میں ترنمول کے دفتر میں توڑ پھوڑ کے بعد آگ لگانے کا الزام ہے۔ فائر بریگیڈ نے موقع پر پہنچ کر آگ پر قابو پایا۔انتخابات کے بعد ہونے والے اس تشدد کی وجہ سے ریاست کی سیاست میں شدید کشیدگی پائی جاتی ہے۔ پولیس مختلف علاقوں میں گشت کر رہی ہے اور ملزمان کی شناخت کی کوشش کی جا رہی ہے۔

Source: PC-anandabazar