بی جے پی انتخابی فائدے کے لیے مرکزی ایجنسیوں کا غلط استعمال کر رہی ہے: ممتا بنرجی

بیربھوم کے مرارئی میں ایک انتخابی ریلی سے خطاب کرتے ہوئے وزیر اعلیٰ ممتا بنرجی نے بی جے پی، مرکزی ایجنسیوں اور آئی پیک کے حوالے سے کئی سخت بیانات دیے ہیں۔ممتا بنرجی نے دعویٰ کیا کہ بی جے پی انتخابی فائدے کے لیے مرکزی ایجنسیوں کا غلط استعمال کر رہی ہے۔انہوں نے کہا کہ بی جے پی نے بہت سے لوگوں کو گرفتار کرنے کا منصوبہ بنایا ہے اور انہیں ایسی ایک 'لسٹ' (فہرست) ملی ہے۔ انہوں نے چیلنج کرتے ہوئے کہا، "ہم لڑتے رہیں گے، ڈریں گے نہیں۔": وزیر اعلیٰ نے طنز کرتے ہوئے کہا، "ہمارے پاس صرف ایک ایجنسی ہے (عوام)، جبکہ تمہارے پاس ہزاروں ہیں۔ انہیں بھی کہا گیا ہے کہ بنگال چھوڑ کر چلے جاو۔ کیا تمہیں شرم نہیں آتی؟مرارئی کے لوگوں کے لیے انہوں نے ایک بڑے ترقیاتی منصوبے کا اعلان کیا:دوارکا ندی پر پراتن گرام سے سیکنڈا تک ایک مستقل پل تعمیر کیا جائے گا۔ اس منصوبے پر 56 کروڑ روپے سے زائد لاگت آئے گی۔ انہوں نے یقین دلایا کہ انتخابات کے فوراً بعد کام شروع کر دیا جائے گا، جس سے مقامی تجارت اور آمد و رفت میں آسانی ہوگی۔ وزیر اعلیٰ نے وزیر اعظم کے حالیہ جھارگرام دورے اور 'جھال مڑی' کھانے پر سخت طنز کیا۔انہوں نے کہا، "سب کچھ پہلے سے طے شدہ (سکرپٹڈ) تھا۔ کیا ان کی جیب میں کبھی 10 روپے ہوتے ہیں؟ دکان پر پہلے سے کیمرہ فٹ تھا، یہ محض ایک ناٹک ہے۔بی جے پی کے لیے کام کرنے والوں کو خبردار کرتے ہوئے انہوں نے کہا، "جو بی جے پی کے لیے کام کر رہے ہیں، انہیں ڈھونڈ نکالوں گی اور 'ناریل کے لاڈو' کھلاوں گی (بنگالی میں یہ ایک طنزیہ محاورہ ہے)۔ممتا بنرجی نے اعتماد کا اظہار کرتے ہوئے کہا کہ لوک سبھا انتخابات میں بی جے پی کے غرور کا خاتمہ ہوگا۔ "ہم بنگال جیت کر دہلی پر قبضہ کریں گے اور جمہوریت کی جیت ہوگی۔

Source: PC-anandabazar