بی جے پی امیدوار ہیرن چٹرجی کے حلف نامے میں بیوی کا نام نہیں

ہاوڑہ کے شیام پور سے بی جے پی امیدوار اور اداکار ہیرن چٹرجی کے کاغذاتِ نامزدگی نے ایک نیا خاندانی اور قانونی تنازع کھڑا کر دیا ہے۔ ان کی پہلی بیوی انندیتا چٹرجی نے سوشل میڈیا پر ان کے حلف نامے میں درج معلومات پر سخت سوالات اٹھائے ہیں۔کچھ عرصہ قبل بنارس کے گھاٹ پر ہیرن چٹرجی کی رتیکا گری نامی خاتون سے دوسری شادی کی تصاویر سوشل میڈیا پر وائرل ہوئی تھیں۔ اگرچہ ہیرن نے اس پر کوئی براہِ راست تبصرہ نہیں کیا، لیکن تصاویر وائرل ہونے کے بعد ان کی پہلی بیوی انندیتا نے قانونی محاذ کھول دیا تھا۔ انندیتا کا دعویٰ ہے کہ انہیں ہیرن کی طرف سے طلاق کا کوئی نوٹس موصول نہیں ہوا ہے۔ ان کا سوال ہے کہ پہلی بیوی کی موجودگی میں انہوں نے دوسری شادی کیسے کر لی؟ہیرن چٹرجی نے شیام پور اسمبلی حلقہ کے لیے جمع کرائے گئے اپنے حلف نامے میں درج ذیل معلومات فراہم کی ہیں: ہیرن نے کاغذات میں بطور شریکِ حیات انندیتا چٹرجی کا ہی نام درج کیا ہے۔ نام کے ساتھ انہوں نے بریکٹ میں (علیحدہ) لکھا ہے۔

Source: PC-sangbadpratidin