وشوا بانگلہ لوگو اور مختلف سرکاری منصوبوں کے نام بدل دیئے جانے کا امکان

بنگال میں بی جے پی کی جیت کے بعد اب ریاست میں لوگو 'ب' سے پاک انتظامیہ کی تیاریاں شروع ہو گئی ہیں۔ ترنمول کانگریس کے دورِ حکومت میں متعارف کرایا گیا 'بشور بنگلہ' لوگو اور مختلف سرکاری منصوبوں کے نام اب تبدیل کیے جانے کا قوی امکان ہے۔ترنمول کے 15 سالہ دور میں اسکول کے یونیفارم سے لے کر سرکاری خطوط اور سڑکوں تک ہر جگہ 'ب' ڈیزائن والا 'بشور بنگلہ' لوگو نظر آتا تھا۔اس لوگو کی قانونی حیثیت پر ہمیشہ تنازع رہا کیونکہ یہ سابق وزیر اعلیٰ ممتا بنرجی کا ذاتی ڈیزائن مانا جاتا تھا۔ معاہدے کے تحت، اگر حکومت اسے استعمال کرنا بند کر دیتی ہے، تو اس کے حقوق واپس ممتا بنرجی کو مل جائیں گے۔حالیہ اطلاعات کے مطابق، چیف سکریٹری دشیانت نریالا کی جانب سے جاری کردہ حالیہ سرکاری خطوط میں اس لوگو کا استعمال نہیں کیا گیا، جس سے اس کے خاتمے کے اشارے مل رہے ہیں۔مرکزی امداد سے چلنے والے وہ تمام منصوبے جن کے نام ریاست نے بدل دیے تھے (جس پر مرکز اور ریاست کے درمیان طویل تنازع رہا)، اب ان کے نام دوبارہ مرکزی ناموں پر رکھنے کا عمل شروع ہو چکا ہے۔املاک اور سرکاری کاغذات کو محفوظ کرنے کی ہدایات کے ساتھ ساتھ تمام محکموں کو الرٹ کر دیا گیا ہے کہ مرکز کی ہر ہدایت پر فوری عمل کیا جائےسنیچر کو نئی کابینہ کی حلف برداری کے بعد ان تبدیلیوں کا باقاعدہ اعلان متوقع ہے۔تمام محکموں کے سکریٹریز اور پولیس حکام کو سرکاری دستاویزات درست طریقے سے محفوظ رکھنے کا حکم دیا گیا ہے تاکہ اقتدار کی منتقلی کے بعد کسی بھی معلومات کی فوری فراہمی ممکن ہو۔مختصر یہ کہ نئی حکومت بنگال کی شناخت سے ترنمول دور کی تمام علامات مٹانے اور انتظامیہ کو مرکزی ڈھانچے کے مطابق ڈھالنے کی سمت میں تیزی سے قدم بڑھا رہی ہے۔

Source: PC-anandabazar