بیربھوم کی کان میں ایک بار پھر مٹی کا تودہ گرا، پتھروں کے نیچے دب کر دو مزدور ہلاک، کئی زخمی

بیر بھوم 16مارچ :بیربھوم میں ایک بار پھر پتھر کی کان میں مٹی کا تودہ گر گیا! اس حادثے میں دو مزدور ہلاک ہو گئے ہیں جبکہ کئی افراد شدید زخمی ہیں۔ یہ واقعہ پیر کے روز بیربھوم کے مرارئی تھانہ علاقے کے گوپال پور میں پیش آیا۔مقامی ذرائع کے مطابق، حادثے کا شکار ہونے والی کان کے مالک بیربھوم ضلع پریشد کے کرمادھیکشا سراج الاسلام ہیں۔ پیر کے روز جب کام جاری تھا، تبھی اچانک کان میں تودہ گر گیا۔ اس وقت وہاں 12 سے 14 مزدور کام کر رہے تھے، جو تقریباً تمام کے تمام پتھروں کے نیچے دب گئے۔ مقامی لوگوں کی کوششوں سے کئی افراد کو باہر نکالا گیا۔ پولیس بھی جائے وقوعہ پر پہنچ گئی ہے اور زخمیوں کو ہسپتال منتقل کر دیا گیا ہے۔ تاہم، خدشہ ظاہر کیا جا رہا ہے کہ ہلاک ہونے والوں کی تعداد میں مزید اضافہ ہو سکتا ہے۔واضح رہے کہ اس سے قبل گزشتہ سال ستمبر میں بیربھوم کے نلہاٹی کی ایک کان میں اسی طرح کا حادثہ پیش آیا تھا، جس میں پانچ مزدوروں کی جان گئی تھی۔

Source: PC- anandabazar