بیدا شروتی نے اس سال مدھیامک میںلڑکیوںمیں پہلی پوزیشن حاصل کی

میٹرک کے امتحانات میں شاندار کامیابی حاصل کرنے والی بیداشروتی سنہا نے اپنی محنت اور لگن سے یہ ثابت کر دیا ہے کہ منزلیں ان ہی کو ملتی ہیں جن کے خواب بڑے ہوتے ہیں۔ شمالی دیناج پور کے اسلام پور کی رہائشی بیداشروتی نے اس سال کے مادھمک امتحانات میں ریاست بھر میں لڑکیوں میں (ممکنہ طور پر) پہلی پوزیشن حاصل کی ہے۔بیداشروتی سنہا نے مجموعی طور پر 693 نمبرات حاصل کیے ہیں۔ وہ ریاست کی مشترکہ میرٹ لسٹ میں پانچویں نمبر پر ہیں، لیکن طالبات کی فہرست میں وہ سب سے آگے ہیں۔وہ اسلام پور گرلز ہائی اسکول کی طالبہ ہیں۔بیداشروتی کا بچپن سے ہی مقصد ایک کامیاب انجینئر بننا ہے۔اپنے اس خواب کو پورا کرنے کے لیے انہوں نے نتائج کا انتظار کیے بغیر ہی کوششیں شروع کر دی تھیں۔ وہ اس وقت گھر سے دور حیدرآباد میں موجود ہیں، جہاں وہ 'جوائنٹ انٹرینس' کے امتحان کی تیاری کر رہی ہیں۔بیٹی کی اس عظیم کامیابی پر والدین کی آنکھوں میں خوشی کے آنسو ہیں۔ انہوں نے حیدرآباد فون کر کے بیداشروتی سے بات کی اور اسے مبارکباد دی۔اسکول کی ٹیچرز اور پرنسپل کا کہنا ہے کہ بیداشروتی شروع سے ہی ایک محنتی اور خود اعتماد طالبہ رہی ہے اور اس کی کامیابی دیگر طلباءکے لیے مشعلِ راہ ثابت ہوگی۔نتائج کے اعلان کے بعد سے ہی اسلام پور میں بیداشروتی کے گھر پر مبارکباد دینے والوں کا تانتا بندھا ہوا ہے۔ رشتہ دار، پڑوسی اور دوست احباب اس کامیابی پر جشن منا رہے ہیں۔ بیداشروتی کی یہ کامیابی نہ صرف ان کے خاندان بلکہ پورے شمالی دیناج پور کے لیے فخر کا باعث ہے۔

Source: PC-sangbadpratidin