بنگال کے اسپتالوں میں سلائن سمیت کئی اہم ادویات کی قلت

مغربی بنگال کے ہسپتالوں میں سلائن سمیت کئی اہم اور جان بچانے والی ادویات کی قلت پیدا ہو گئی ہے۔ اس بحران سے نمٹنے کے لیے حکومتِ مغربی بنگال کے محکمہ صحت نے ایک نیا سرکولر (ہدایت نامہ) جاری کیا ہے۔ اسرائیل، ایران اور امریکہ کے درمیان جاری مسلسل تصادم کی وجہ سے مشرقِ وسطیٰ کی صورتحال کشیدہ ہے۔ ایران کی جانب سے تزویراتی اعتبار سے اہم 'آبنائے ہرمز' کی ناکہ بندی کی گئی ہے، اور جواب میں امریکہ نے ایرانی بندرگاہوں کا محاصرہ کر رکھا ہے۔اس ناکہ بندی کے باعث بین الاقوامی مارکیٹ سے ادویات کی تیاری میں استعمال ہونے والے کیمیائی اجزائ، میڈیکل کنزیومبلز اور پیکیجنگ کا سامان آنے کا راستہ متاثر ہو رہا ہے۔جنگی حالات کی وجہ سے بحری جہازوں کے کرائے اور ایندھن کی قیمتیں انتہائی بڑھ چکی ہیں، جس کی وجہ سے دنیا بھر میں سپلائی برقرار رکھنا مشکل ہو گیا ہے۔ اس کا براہِ راست اثر بھارتی مارکیٹ پر بھی پڑا ہے۔بین الاقوامی مارکیٹ سے خام مال نہ آنے کی وجہ سے ریاست کے ہسپتالوں میں بنیادی طور پر درج ذیل اشیاء کی سپلائی میں کمی آئی ہے۔اس ہنگامی صورتحال اور بحران سے نمٹنے کے لیے ریاست کے تمام ہسپتالوں اور ضلع ہسپتالوں کی انتظامیہ کو خصوصی ہدایات دی گئی ہیں۔ہدایت نامے میں کہا گیا ہے کہ قلت کا شکار ان تمام ادویات اور طبی سامان کو اب سے 'نان کیٹگری اشیائ' یا 'نان کیٹلاگ اشیا ' کے طور پر حاصل کیا جائے۔ اس کا مطلب یہ ہے کہ چونکہ یہ اشیاء اب عام یا باقاعدہ سپلائی لسٹ میں آسانی سے دستیاب نہیں ہوں گی، اس لیے ہسپتال انتظامیہ مقامی یا متبادل ذرائع سے انہیں براہِ راست خریدے تاکہ طبی خدمات میں خلل نہ آئے۔

Source: PC-sangbadpratidin