باروئی پور تھانے کے دو پولس افسروں کو معطل کر دیا

جنوبی 24 پرگنہ کے باروئی پور تھانے کے دو پولیس افسران کو بی جے پی امیدوار پر تشدد کے الزام میں معطل کر دیا گیا ہے۔ باروئی پور تھانے کے انچارج سمر دے اور سب انسپکٹر سکومار روئیداس کو تادیبی کارروائی کا نشانہ بنایا گیا ہے۔ الزام ہے کہ انتخابی نتائج کے اعلان کے اگلے دن یعنی 5 مئی کو باروئی پور مغرب سے بی جے پی کے امیدوار بشواجیت پال کو پولیس نے جسمانی طور پر ہراساں کیا اور تشدد کا نشانہ بنایا۔سوشل میڈیا پر ایک ویڈیو وائرل ہوئی تھی جس میں آئی سی سمر دے سمیت دیگر پولیس اہلکاروں کو بی جے پی امیدوار کو زبردستی مار پیٹ کر گاڑی میں ڈالتے ہوئے دیکھا گیا۔ پارٹی کا دعویٰ ہے کہ ترنمول کانگریس نے توڑ پھوڑ کے جھوٹے الزامات لگائے تھے، جس کے بعد پولیس نے جائے وقوعہ پر پہنچ کر بشواجیت پال کو بلا اشتعال مارا پیٹا اور ان کے خلاف جھوٹے مقدمات درج کیے۔بشواجیت پال کی تحریری شکایت پر ریاستی پولیس نے تحقیقات شروع کی، جس کے بعد ان دونوں افسران کے خلاف معطلی کے احکامات جاری کیے گئے۔

Source: PC-anandabazar