بانکوڑہ میں کولڈ اسٹوریج بند ہونے سے ہنگامہ آرائی

بانکورہ کے کوتل پور میں ایک نجی کولڈ اسٹوریج (ہیم گھر) کے باہر اس وقت شدید کشیدگی پھیل گئی جب حکام نے 5 ہزار بوریوں کی گنجائش خالی ہونے کے باوجود اسٹوریج بند کرنے کا اعلان کر دیا۔ ناراض کسانوں نے کولڈ اسٹوریج کے اس فیصلے کے خلاف بشنو پور-آرام باغ اسٹیٹ ہائی وے کو بلاک کر دیا، جس سے ٹریفک طویل عرصے تک معطل رہی۔ بعد ازاں کوتل پور تھانہ پولیس کی مداخلت پر ناکہ بندی ختم کی گئی۔کسانوں کا دعویٰ ہے کہ کولڈ اسٹوریج حکام مقامی کاشتکاروں کے آلو محفوظ کرنے کے بجائے بڑے تاجروں کے لیے جگہ خالی رکھنا چاہتے ہیں۔ کسانوں نے اسے "جان بوجھ کر کی گئی جانبداری" قرار دیا۔کھلی منڈی میں آلو کی قیمتیں انتہائی کم ہونے کی وجہ سے کسان مجبور ہیں کہ وہ اپنی فصل کولڈ اسٹوریج میں رکھیں تاکہ قیمتیں بڑھنے پر اسے فروخت کر سکیں، لیکن اسٹوریج مالکان کی مبینہ من مانی ان کی مشکلات میں اضافہ کر رہی ہے۔اس سے قبل مغربی مدنا پور اور بانکورہ کے دیگر حصوں میں بھی آلو کی لوڈنگ اور ٹوکن سسٹم کو لے کر اسی طرح کے تنازعات سامنے آ چکے ہیں۔

Source: PC- tv9bangla