بانس سے حملہ کرنے کے الزام میں بزرگ سمیت مرکزی ملزم گرفتار

باسنتی 30مارچ : باسنتی میں پولیس اہلکاروں کو سڑک پر گرا کر مارنے پیٹنے کے واقعے میں پولیس نے مرکزی ملزم ذاکر سمیت 3 افراد کو گرفتار کر لیا ہے۔ باسنتی تھانے کے نئے آئی سی پربیر گھوش کی قیادت میں گزشتہ رات چلائی گئی ایک خصوصی مہم کے دوران ان تینوں اہم ملزمان کو گرفتار کیا گیا۔گرفتار شدگان میں 60 سالہ ذاکر حسین ملا بھی شامل ہے، جسے ویڈیو میں لکڑی کے بھاری لٹھے سے پولیس کو مارتے ہوئے دیکھا گیا تھا۔ دیگر دو گرفتار ملزمان کے نام عارف ملک اور ابو بکر علی غازی ہیں۔ پولیس کا کہنا ہے کہ قانون ہاتھ میں لینے اور سرکاری ملازمین پر حملے کے معاملے میں کوئی سمجھوتہ نہیں کیا جائے گا۔ گزشتہ جمعرات کو بی جے پی امیدوار وکاس سردار کی انتخابی مہم کے دوران باسنتی میں حالات کشیدہ ہو گئے تھے۔ الزام ہے کہ مہم کے دوران ترنمول کارکنوں اور حامیوں نے بانس، لاٹھیوں اور لوہے کی سلاخوں سے حملہ کیا۔ اطلاع ملنے پر جب پولیس موقع پر پہنچی تو وہ بھی حملے کا شکار ہو گئی۔ باسنتی تھانے کے سب انسپکٹر سوربھ گوہا کو سڑک پر گرا کر بانسوں سے پیٹا گیا، جبکہ مزید 6 سے 7 پولیس اہلکار زخمی ہوئے۔

Source: PC- tv9bangla