اتوار اور پیر کو کلکتہ میں یلو الرٹ جاری کیا جا ری! دارجلنگ، کوچ بہار، اور علی پور دوار اضلاع میں موسلادھار بارش کا امکان

کلکتہ : موسم سرما کے بعد بہار کا لطف اٹھانے سے پہلے ہی طوفانوں کا سامنا ہے۔ علی پور محکمہ موسمیات نے بارش کے امکان کا پہلے ہی اعلان کیا تھا۔ اور اس بار یلو الرٹ جاری ہونے جا رہا ہے۔ اتوار سے طوفان اور بارش کا امکان بڑھ جائے گا۔بارش اتوار سے شروع ہوگی، پیر کو ریاست کے کئی اضلاع میں شدید بارش کا امکان ہے۔ اتوار اور پیر کو کلکتہ میں یلو الرٹ جاری کیا جا رہا ہے۔ تاہم، یہ دونوں دنوں پر نہیں رکے گا۔ محکمہ موسمیات کی رپورٹ میں کہا گیا ہے کہ بنگال میں اگلے جمعرات تک بارش کا امکان ہے۔ اس کے ساتھ ساتھ 40 سے 50 کلومیٹر کی رفتار سے تیز ہوائیں بھی چل سکتی ہیں۔کئی اضلاع میں کل بیساکھی جیسے حالات کا امکان ہے۔ شمالی بنگال میں بھی تیز بارش ہو سکتی ہے۔ پیر کو شمال کے 5 اضلاع میں شدید بارش کا الرٹ جاری کیا گیا ہے۔ ماہرین نے آسمانی بجلی گرنے سے بچنے کے لیے محتاط رہنے کا مشورہ دیا ہے۔آج بروز ہفتہ جنوبی بنگال میں مطلع جزوی طور پر ابر آلود رہے گا۔ بیر بھوم، مرشدآباد، مغربی مدنی پور اور جھارگرام میں آج بارش کا قوی امکان ہے۔ کلکتہ سمیت جنوبی بنگال کے بیشتر اضلاع میں آج موسم خشک رہے گا۔ اتوار سے تبدیلی آئے گی۔ پرولیا، بنکورا، بیر بھوم، مرشد آباد، ہگلی اور ندیا میں کالبیساکھی جیسی صورتحال پیدا ہوسکتی ہے۔ کلکتہ میں پیر کو بھی طوفان اور بارش کا امکان ہے۔ بارشوں کا سلسلہ پورے ہفتے جاری رہے گا۔پیر سے دارجلنگ، کالمپونگ، کوچ بہار، جلپائی گوڑی اور علی پور دوار اضلاع میں موسلادھار بارش کا امکان ہے۔ اس کے ساتھ ساتھ 50 سے 60 کلومیٹر فی گھنٹہ کی رفتار سے گرج چمک کے ساتھ بارش کا بھی امکان ہے۔ باقی شمالی اضلاع میں بھی گرج چمک کے ساتھ بارش ہوگی۔ گرج چمک کے ساتھ طوفان ہو سکتا ہے۔

Source: Social Media