اچانک سابق نیوی اہلکار کے پیٹ میںچھرا گھونپ دیا گیا، علاقے میں سنسنی

بارک پور18فروری : ایک سابق نیوی اہلکار گوشت خریدنے گئے تھے، لیکن وہاں جو کچھ ہوا اس کا تصور کسی نے نہیں کیا تھا۔ گوشت کی دکان پر ایک نشئی نوجوان نے سابق نیوی اہلکار کے پیٹ میں گوشت کاٹنے والا بڑا چھرا (چوپر) گھونپ دیا۔ یہ لرزہ خیز واقعہ بارک پور کلیانی ایکسپریس وے کے قریب پیش آیا۔ معلومات کے مطابق، 60 سالہ سابق نیوی اہلکار دیپانکر سرکار بارک پور موہن پور موڑ پر گوشت خریدنے آئے تھے۔ وہ ایک دکان سے گوشت خرید رہے تھے کہ اسی دوران شیام پسوان نامی تقریباً 25 سالہ نوجوان وہاں پہنچا۔ الزام ہے کہ اس سے پہلے کہ کوئی کچھ سمجھ پاتا، نوجوان نے دکان پر رکھا ہوا گوشت کاٹنے والا چھرا اٹھا کر بزرگ کے پیٹ میں گھونپ دیا۔ حملہ اتنا شدید تھا کہ بزرگ کے پیٹ کا ایک حصہ باہر نکل آیا۔ زخمی حالت میں انہیں فوری طور پر بارک پور کے ایک نجی نرسنگ ہوم منتقل کیا گیا۔ موہن پور تھانے کی پولیس نے موقع پر پہنچ کر تحقیقات شروع کر دی ہیں۔"میرے بیٹے کی ذہنی حالت کبھی کبھی خراب ہو جاتی ہے۔ ہم اسے علاج کے بعد گھر لائے تھے اور وہ ٹھیک تھا، لیکن پانچ چھ دن سے اس کی طبیعت پھر بگڑ گئی تھی۔ وہ سائیکل لے کر باہر جاتا اور پھر واپس آ جاتا تھا۔ مجھے نہیں معلوم کہ وہ کب گوشت کی دکان میں داخل ہوا اور کس پر حملہ کر دیا۔"

Source: PC- tv9bangla