پانچ تاریخ کے بعد پورے ملک سے دراندازوںکو نکال باہر کیا جائے گا: امیت شاہ

مغربی بنگال کے شالبنی میں ایک انتخابی ریلی سے خطاب کرتے ہوئے مرکزی وزیر داخلہ امت شاہ نے ممتا بنرجی کی حکومت پر شدید تنقید کی۔ امت شاہ نے اعلان کیا کہ 5 تاریخ کے بعد نہ صرف بنگال بلکہ پورے ملک سے ایک ایک درانداز کو نکال باہر کیا جائے گا۔ انہوں نے الزام لگایا کہ ممتا بنرجی ووٹ بینک کی سیاست کے لیے انہیں پناہ دے رہی ہیں۔سندیش خالی، آر جی کر اور دیگر واقعات کا حوالہ دیتے ہوئے انہوں نے کہا کہ بی جے پی کے اقتدار میں آنے کے بعد خواتین آدھی رات کو بھی محفوظ رہیں گی۔ انہوں نے خواتین پر ہونے والے مظالم کا حساب لینے کا وعدہ کیا۔انہوں نے کہا کہ ممتا حکومت کسانوں کو دوسرے صوبوں میں آلو بیچنے سے روکتی ہے، لیکن بی جے پی کے آنے کے بعد کسان اپنی فصل اوڈیشہ اور جھارکھنڈ میں بہتر قیمت پر بیچ سکیں گے اور ہر منڈل میں کولڈ اسٹوریج بنائے جائیں گے۔ انہوں نے خبردار کیا کہ اگر ترنمول کے کارکنوں نے 23 تاریخ کو ووٹروں کو ہراساں کیا تو انہیں "الٹا لٹکا دیا جائے گا"۔ انہوں نے امفان ریلیف اور مرکزی اسکیموں کے فنڈز میں خورد برد کا الزام بھی لگایا۔شاہ نے کہا کہ بنگال میں تعمیراتی سامان پر "سندیکیٹ ٹیکس" لیا جاتا ہے، جسے بی جے پی حکومت ختم کر کے مجرموں کو جیل بھیجے گی۔ شاہ نے عوام سے مغربی مدنی پور کی تمام 15 سیٹوں پر بی جے پی کو جتانے کی اپیل کی۔

Source: PC-sangbadpratidin