چنڈی تلہ 3مئی : 12 سالہ نابالغ کے ساتھ مسلسل جنسی زیادتی کی جاتی رہی۔ آخر کار اس واقعہ کا انکشاف اس وقت ہوا جب نابالغ حاملہ ہوگئی۔ ہگلی کے چنڈیتلہ میں زبردست کشیدگی ہے۔ متاثرہ کے اہل خانہ نے پہلے ہی چنڈیتلہ پولیس اسٹیشن میں شکایت درج کرائی ہے۔ جس کے بعد پولیس نے کارروائی کی۔ پڑوسی کے ایک بزرگ کو گرفتار کر لیا گیا ہے۔ اس کے خلاف جنسی زیادتی کا الزام لگایا گیا ہے۔ پولیس ذرائع کے مطابق معمر شخص 12 سالہ نابالغ کو ڈرا دھمکا کر عرصہ دراز سے جنسی زیادتی کا نشانہ بنا رہا تھا۔ اسی دوران چند روز قبل نابالغ بیمار پڑ گئی ۔ گھر والے اسے ڈاکٹر کے پاس لے گئے۔ لیکن وہیں ڈاکٹر کی بات سن کر ان کی آنکھیں پھیل گئیں۔ ڈاکٹر نے بتایا کہ نابالغ اس وقت 9 ہفتوں کی حاملہ تھی۔ اس کے بعد نابالغ نے گھر والوں کو سب کچھ بتا دیا۔ متاثرہ لڑکی کے گھر والوں نے لڑکی کے منہ سے سب کچھ سننے کے بعد پولیس میں شکایت درج کرانے میں کوئی ہچکچاہٹ محسوس نہیں کی۔ شکایت ملنے پر پولیس نے ملزم پڑوسی کے خلاف پوکسو ایکٹ کے تحت مقدمہ درج کیا۔ کچھ ہی دیر میں اسے گرفتار کر لیا گیا۔ بوڑھے کو آج سیرام پور عدالت میں پیش کیا جا رہا ہے۔

Source: Mashriq News service