Sports

سری لنکا کو چھ وکٹوں سے شکست، پاکستان نے سہ ملکی سیریز جیت لی

سری لنکا کو چھ وکٹوں سے شکست، پاکستان نے سہ ملکی سیریز جیت لی

سہ ملکی سیریز کے فائنل میں پاکستان نے سری لنکا کو چھ وکٹوں سے شکست دے کر سیریز اپنے نام کر لی ہے۔ سنیچر کو پنڈی کرکٹ سٹیڈیم میں سری لنکا کے 115 رنز کا ہدف پاکستان نے 18.4 اوورز میں چار وکٹوں کے نقصان پر حاصل کیا۔ پاکستان کی جانب سے بابرعظم ایک چھکے اور دو چوکوں کی مدد سے 37 رنز جبکہ عثمان خان تین رنز کے ساتھ ناٹ اؤٹ رہے۔ سری لنکا کی بیٹنگ لائن کے بعد بولنگ آرڈر بھی ناکام رہا۔ اس سے قبل سری لنکا پہلے بیٹنگ کرتے ہوئے 19.1 اوورز میں 114 رنز بنا کر آؤٹ ہو گئی تھی۔ سری لنکا کی بیٹنگ لائن پاکستان کے سامنے بے بس نظر آئی، کامل مشرا کے علاوہ کوئی بھی کھلاڑی عمدہ رنز نہ بنا پایا۔ کامل مشرا 59 رنز کی اننگز کھیل کر پویلین لوٹے۔ پاکستان نے ہدف کے تعاقب کا آغاز کیا تو صاحبزادہ فرحان اور صائم ایوب کریز پر اترے۔ دونوں بیٹرز نے پہلے آٹھ اوورز تک بغیر کسی نقصان کے رنز بنائے۔ پاکستان کو پہلا نقصان صاحبزادہ فرحان کی صورت میں اٹھویں اوور کی تیسری گیند پر اس وقت ہوا جب ٹیم کے مجموعی سکور 46 رنز تھے۔ وہ ایک چھکے اور دو چوکوں کی مدد سے 23 رنز بنا کر آؤٹ ہوئے۔ صائم ایوب نے 36 رنز کی اننگز کھیلی اور 12 ویں اوور میں ونندو ہاسارنگا کی گیند پر وکٹ گواہ بیٹھے۔ اس کے بعد کپتان سلمان علی غا 14 اور فخر زمان تین رنز بنا کر آؤٹ ہوئے جبکہ بابراعظم ایک چھکے اور دو چوکوں کی مدد سے 37 رنز کے ساتھ اور عثمان خان تین رنز کے ساتھ نٹ آؤٹ رہے۔ سری لنکا کی جانب سے پون رتنائیکے نے دو جبکہ ایشان ملنگا اور ونندو ہاسا رنگا نے ایک ایک وکٹ حاصل کی۔ پاکستان کی دعوت پر سری لنکا نے اننگز کا آغاز کیا تو پہلے تین اوورز میں بغیر کسی نقصان کے رنز بنائے، سری لنکا کو پہلا نقصان پاتھم نسانکا کی صورت میں اس وقت ہوا جب ٹیم کے مجموعی سکور 20 تھے۔ وہ 11 انفرادی رنز بنا کر آؤٹ ہوئے۔ سری لنکا کی جانب سے کامل مشارا نے چار چھکوں اور دو چوکوں کی مدد سے 59 رنز کی شاندار اننگز کھیلی اور صائم ایوب کی گیند پر بابر اعظم کو کیچ تھما کر پویلین لوٹے۔ اس کے بعد کوشل مینڈس 17 رنز بنا کر آؤٹ ہوئے، ان کے علاوہ سری لنکا کا کوئی بھی کھلاڑی ڈبل فیگر میں داخل نہیں ہو سکا۔ پاکستان کی جانب سے شاہین شاہ آفریدی اور محمد نواز نے تین تین، ابرار احمد نے دو جبکہ سلمان مرزا اور صائم ایوب نے ایک ایک وکٹ حاصل کی۔ اس سیریز میں پاکستان نے چار میں سے تین میچز جیت کر فائنل کے لیے کوالیفائی کیا جبکہ سری لنکا کی ٹیم نے دو میچز میں فتح یاب ہونے کے بعد فائنل تک رسائی حاصل کی تھی۔

Source: social media

Post
Send
Kolkata Sports Entertainment

Please vote this article

0 Responses
Best Rating Best
Good Rating Good
Okay Rating Okay
Bad Rating Bad

Related Articles

Post your comment

0 Comments

No comments