بھارتی ویمن کرکٹ ٹیم کی اسٹار اوپنر سمرتی مندھانا اور مشہور گلوکار پالاش موچل نے شادی ملتوی ہونے کے بعد اپنے انسٹاگرام اکاؤنٹ کے بائیو میں ایک ساتھ ’نظر لگنے والا‘ ایموجی شامل کردیا۔ خاتون کرکٹر سمرتی کی شادی 23 نومبر کو مشہور گلوکار پالاش موچل کے ساتھ ہونا تھی، مگر ہنگامی بنیادوں پر اسے ملتوی کردیا گیا، سمرتی کے والد سرینواس مندھانا کو شادی کی تیاریوں کے دوران سانگلی کے سامڈول میں واقع ’مندھانا فارم ہاؤس‘ میں دل کا دورہ پڑا تھا، جس کی وجہ سے انہیں فوری طور پر اسپتال منتقل کرنا پڑا۔ اگلے ہی دن پالاش کو بھی سانگلی میں اسپتال لے جایا گیا، بعدازاں انہیں ممبئی منتقل کیا گیا۔ اسمرتی کے بزنس منیجر کے مطابق شادی ملتوی کرنے کا فیصلہ خاندانی ہنگامی صورتحال کے باعث کیا گیا۔ اسی دوران سوشل میڈیا پر اس بات پر بھی بحث جاری ہے کہ سمرتی اور پالاش نے اپنی انسٹاگرام بائیو میں بیک وقت ’نظر‘ والا ایموجی شامل کر دیا ہے، جس نے شائقین کے تجسس اور قیاس آرائیوں میں مزید اضافہ کر دیا ہے۔ دونوں کے والدین کے مطابق التوا کی وجہ صرف اور صرف صحت کے مسائل ہیں، لیکن سوشل میڈیا پر قیاس آرائیاں اس وقت بڑھ گئیں جب سمرتی نے شادی سے متعلق تمام پوسٹس انسٹاگرام سے حذف کر دیں، اگرچہ پالاش کے ساتھ ان کی کچھ عام تصاویر اب بھی موجود ہیں۔ اہم بات یہ ہے کہ سمرتی کے والد اور پالاش دونوں کو اسپتال سے فارغ کر دیا گیا ہے پھر بھی شادی کی نئی تاریخ کا اعلان اب تک نہیں کیا گیا۔ ادھر بھارتی ٹیم کی اسٹار کھلاڑی جیمائما روڈریگز نے وومن بگ بیش لیگ سے دستبرداری اختیار کرلی تاکہ اس مشکل وقت میں سمرتی کے ساتھ رہ سکیں، جس پر شائقین کے درمیان مزید سوالات اٹھ رہے ہیں۔ پالاش کی والدہ امیتا موچل نے ہندوستان ٹائمز سے گفتگو میں کہا کہ دونوں خاندانوں کے لیے یہ لمحہ تکلیف دہ ہے۔ انہوں نے کہا کہ سمرتی اور پالاش دونوں تکلیف میں ہیں، پالاش نے خواب دیکھا تھا کہ اپنی دلہن کو گھر لائے گا۔ میں نے سمرتی کے لیے خاص استقبال کا اہتمام بھی کیا تھا، سب ٹھیک ہو جائے گا، شادی بہت جلد ہوگی۔ دونوں خاندان پرامید ہیں کہ صورتحال بہتر ہوتے ہی شادی کی نئی تاریخ طے کر دی جائے گی۔
Source: social media
مالی بحران سے دوچار محمڈن اسپورٹنگ کلب’دیدی‘ نہیں تو ’دادا‘ سے مدد لے سکتا ہے؟
پاکستان کو پانچ وکٹوں سے شکست، ایشیا کپ 9ویں مرتبہ انڈیا کے نام
پاکستان کے خلاف میچ سے قبل بھارت کو بڑا دھچکا
ٹی 20 ایشیاء کپ: منگل کو پاکستان اور سری لنکا آمنے سامنے ہونگے
’’میں ایشیا کپ کی اپنی میچ فیس ہندستانی فوج کودینا چاہتا ہوں‘‘: کپتان سوریا کا بڑا اعلان
خاتون ہاکی ایشیا کپ 2025: ہندستان نے تھائی لینڈ کو 0-11 سے شکست دے کر کیا شاندار آغاز، ممتاز خان کی بہترین کارکردگی
مالی بحران سے دوچار محمڈن اسپورٹنگ کلب’دیدی‘ نہیں تو ’دادا‘ سے مدد لے سکتا ہے؟
پاکستان کو پانچ وکٹوں سے شکست، ایشیا کپ 9ویں مرتبہ انڈیا کے نام
پاکستان کے خلاف میچ سے قبل بھارت کو بڑا دھچکا
ٹی 20 ایشیاء کپ: منگل کو پاکستان اور سری لنکا آمنے سامنے ہونگے
’’میں ایشیا کپ کی اپنی میچ فیس ہندستانی فوج کودینا چاہتا ہوں‘‘: کپتان سوریا کا بڑا اعلان
خاتون ہاکی ایشیا کپ 2025: ہندستان نے تھائی لینڈ کو 0-11 سے شکست دے کر کیا شاندار آغاز، ممتاز خان کی بہترین کارکردگی
سہ ملکی سیریز: افغانستان نے پاکستان کو 18 رنز سے شکست دیدی
ہندستان نے پاکستان کو دی کراری شکست