مقامی بازار میں سونا سستا، چاندی مہنگی؛ عالمی مارکیٹ میں دونوں دھاتوں میں تیزی

نئی دہلی: ہندستانی بازار میں منگل کو سونے کی قیمتوں میں معمولی کمی اور چاندی کے دام میں اضافہ درج کیا گیا۔ انڈیا بولین جویلرز ایسوسی ایشن (آئی بی جے اے) کے مطابق گزشتہ 24 گھنٹوں کے دوران 24 کیرٹ سونا 69 روپے سستا ہو کر 1,04,424 روپے فی 10 گرام تک آ گیا، جو اس سے پہلے 1,04,493 روپے فی 10 گرام تھا۔ 22 کیرٹ سونا بھی گھٹ کر 95,652 روپے فی 10 گرام رہ گیا جبکہ 18 کیرٹ سونے کی قیمت کم ہو کر 78,318 روپے فی 10 گرام تک پہنچ گئی۔ آئی بی جے اے ہر روز صبح اور شام میں سونا اور چاندی کی قیمتیں جاری کرتا ہے۔ سونے کے برعکس چاندی کے داموں میں اضافہ دیکھا گیا۔ چاندی 33 روپے مہنگی ہو کر 1,22,833 روپے فی کلو ہو گئی، جو اس سے قبل 1,22,800 روپے فی کلو تھی۔ ملٹی کموڈیٹی ایکسچینج (ایم سی ایکس) پر سونا اور چاندی کے سودوں میں ملا جلا رجحان دیکھنے کو ملا۔ سونے کے 3 اکتوبر 2025 کے معاہدے کی قیمت 0.30 فیصد بڑھ کر 1,05,100 روپے تک گئی، جبکہ چاندی کے 5 دسمبر 2025 کے معاہدے کی قیمت 0.12 فیصد گھٹ کر 1,24,509 روپے پر بند ہوئی۔

Source: Social media