وزیر اعلیٰ شو بھندو ادھیکاری نے گورنر سے ملاقات کی

ریاست کے وزیر اعلیٰ بننے کے بعد پہلی بار لوک بھون جا کر گورنر سے ملے شبھندو ادھیکاری۔ بدھ کی شام وہ لوک بھون گئے۔ گورنر آر این روی نے انہیں پھولوں کا ہار پہن کر خوش آمدید کہا۔ ان سے ملاقات اور خیریت دریافت کرنے کے بعد کچھ دیر ان کے درمیان گفتگو ہوئی۔ اس سے قبل 8 مئی کو جس دن شبھندو ادھیکاری کا نام وزیر اعلیٰ کے طور پر اعلان ہوا تھا، اسی دن وہ لوک بھون گئے تھے اور حکومت تشکیل دینے کا دعویٰ نامہ پیش کیا تھا۔ اس کے بعد آج انہوں نے گورنر سے ملاقات کی۔ بدھ کو دوپہر 12 بجے سے کچھ دیر پہلے شبھندو ادھیکاری کی گاڑی لوک بھون (سابقہ راج بھون) پہنچی۔ گورنر آر این روی نے انہیں پھول دے کر خوش آمدید کہا۔ اس کے بعد دونوں کے درمیان کچھ دیر یک سو گفتگو ہوئی۔ اس دوران نئی حکومت نے عوامی فلاح کے کاموں سے متعلق کئی فیصلے لیے ہیں۔ متعدد منصوبوں پر کام شروع ہو چکا ہے۔ اگلے مہینے ریاستی حکومت کا پہلا مکمل بجٹ پیش کیا جانا ہے۔ روایت کے مطابق اس کا آغاز گورنر ہی کریں گے۔ اس کے علاوہ کابینہ میں توسیع کے بعد نئے وزرائ کو راج بھون میں حلف اٹھانے کا معاملہ بھی ہے۔ خیال کیا جا رہا ہے کہ شبھندو اور روی کی گفتگو میں یہ تمام موضوعات اٹھے ہوں گے۔

Source: PC-sangbadpratidin