بارسلونا کے خلاف ایمباپے کی پنلٹی ضائع ہونے پر ریئل میڈرڈ کا مداح سٹیڈیم میں دم توڑ گیا

ریئل میڈرڈ کا ایک پرستار گذشتہ اتوار کو بارسلونا کے خلاف حالیہ "کلاسیکو" میچ کے دوران بارسلونا کے گول کیپر ووجشیچ سززنی کی جانب سے فرانسیسی کھلاڑی ایمباپے کی جانب سے لی گئی پینلٹی کِک کو بچانے کے بعد دل کا دورہ پڑنے سے انتقال کر گیا۔ ایمباپے نے ایک گول کیا اور اس کے ساتھی جوڈ بیلنگھم نے "کلاسیکو" کے پہلے ہاف میں ایک دوسرے گول کا اضافہ کیا جس نے ریئل میڈرڈ کو اپنے روایتی حریفوں پر 2-1 سے فتح دلائی اور ہسپانوی لیگ میں اپنی برتری کو پانچ پوائنٹس تک بڑھا دیا ۔ اسرائیل میں ریئل میڈرڈ سپورٹرز ایسوسی ایشن نے جمعے کی شام ایک بیان جاری کرتے ہوئے کہا کہ ریئل میڈرڈ کے ایک پرستار پچاس سالہ یگل بروڈکن گزشتہ اتوار کو بارسلونا کے خلاف کلاسیکو میچ میں شرکت کے دوران دل کا دورہ پڑنے سے انتقال کر گئے۔ پرستار کو بچانے کی کوششیں کی گئیں لیکن اسے بچایا نہیں جا سکا۔ ان کے بیٹے نے ان کی موت کے بعد لکھا کہ ایمباپے کی پینلٹی کے ضائع جانے کے بعد میرے والد کو سٹینڈ میں اچانک دل کا دورہ پڑا اور پیرامیڈیکس انہیں بچا نہیں سکے۔ ہسپانوی ویب سائٹ ڈیفینسا سینٹرل نے انکشاف کیا کہ ہجوم نے ریفری سوٹو گراڈو کو میچ روکنے کے لیے کہا جیسا کہ دوسرے سٹیڈیم میں ہوتا ہے جب کوئی مداح بیمار ہوتا ہے لیکن ایسا لگتا ہے کہ اس نے ان کی التجا نہیں سنی۔

Source: social media