اوڈیشہ میں شریا گھوشال کے کنسرٹ میں افراتفری مچ گئی، دو افراد زخمی

بالی ووڈ گلوکارہ شریا گھوشال کے لائیو کنسرٹ میں افراتفری مچ گئی۔ اڈیشہ کے کٹک میں بالی یاترا میدان میں جب گلوکار نے اسٹیج سنبھالا تو ہزاروں لوگ آگے بڑھے، جس سے ہاتھا پائی ہوگئی جس میں دو افراد زخمی ہوگئے۔ ضلع انتظامیہ کے عہدیداروں نے بتایا کہ جیسے ہی شریا گھوشال اسٹیج پر پہنچیں، ہزاروں تماشائی اسٹیج کی طرف دوڑ پڑے۔ حالات کچھ دیر کے لیے بے قابو ہو گئے جس کے باعث شو کو عارضی طور پر روکنا پڑا۔ پولیس کی مداخلت سے حالات معمول پر آگئے اور شو دوبارہ شروع ہوگیا۔ اس دوران دو افراد بے ہوش ہوگئے جنہیں فوری طور پر قریبی اسپتال میں داخل کرایا گیا۔ پولیس کمشنر ایس دیو دتہ سنگھ نے کہا کہ بھیڑ بہت زیادہ تھی، لیکن کوئی سنگین واقعہ پیش نہیں آیا۔ ایک شخص کو معمولی چوٹیں آئی ہیں اور اب وہ محفوظ ہے۔ تقریب کے دوران سینئر پولیس افسران کنٹرول روم سے صورتحال کی خود نگرانی کر رہے تھے۔ پولیس نے عوامی اعلان کے نظام کے ذریعے لوگوں سے پرسکون رہنے اور نظم و ضبط برقرار رکھنے کی اپیل کی۔

Source: social media