عرب لیگ میں شامی کھلاڑیوں نے تیونس کو شکست دینے کے لیے ''مافیا'' کی مدد کیسے لی؟

شامی قومی ٹیم نے عرب کپ 2025 میں اپنا آغاز تیونس کے خلاف ایک صفر سے فتح کے ساتھ کیا، جو پیر کے روز ہوا، اس میچ نےشامی قومی فٹبال ٹیم کے کھلاڑیوں پر کھیل ''مافیا ''کے اثرات کو نمایاں کر دیا۔ شامی ٹیم اپنی اس فتح کا کریڈٹ عمر خریبین کو دیتی ہے، جنہوں نے 48ویں منٹ میں ایک براہِ راست فری کک کے ذریعے فیصلہ کن گول کیا، یہ گروپ اے کے پہلے میچ میں ہوا۔ احمد فقا شامی ٹیم کے کھلاڑی نے تیونس کے خلاف میچ سے پہلے فیفا کی آفیشل ویب سائٹ سے بات کرتے ہوئے بتایا کہ "مافیا" کھیل کھلاڑیوں کو متحرک کرتا ہے۔ احمد فقا نے اپنی اس کارڈ گیم کے شوق کے بارے میں کہا، جو کہ کھلاڑیوں کے لیے وقفوں کے دوران روزانہ کی روایت بن چکی ہے:''مافیا'' میںعموماً دس کھلاڑیوں کے گروپ میں کھیلتے ہیں، کارڈز تقسیم کرتے ہیں اور بحث کرتے ہیں کہ کون دھوکہ دے رہا ہے۔ یہ کھیل نہ صرف خوشگوار رابطہ پیدا کرتا ہے بلکہ ٹیم کے اندر تعلقات کو مضبوط بھی کرتا ہے۔ مافیاایک سماجی کھیل ہے، جس میں کھلاڑی باری باری کردار اور اتحاد اختیار کرتے ہیں تاکہ گروپ میں موجود غدار کو پکڑا جا سکے۔ عام طور پر یہ کھیل 7 سے 20 کھلاڑیوں کے ساتھ کھیلا جاتا ہے، ہر شخص کو ایک کردار دیا جاتا ہے، جیسے کہ شہری، جاسوس یا مافیا۔کھیل کا مقصد یہ ہوتا ہے کہ یا تو تمام مافیا کے اراکین کو ختم کیا جائے (شہریوں کے لیے) یا تمام غیر مافیا اراکین کو ختم کیا جائے (مافیا کے لیے)۔یہ کھیل مذاکرات، منطقی سوچ اور کردار ادا کرنے جیسے عناصر پر مشتمل ہوتا ہے۔ شامی قومی ٹیم نے تیونس کے خلاف براہِ راست مقابلوں میں اپنی پانچویں فتح حاصل کی، جبکہ پانچ مرتبہ ہار اور دو مرتبہ برابر رہی ہے۔ یاد رہے کہ شامی ٹیم نے تیونس کی قومی ٹیم کو آخری میچ میں دو صفر سے شکست دی تھی، جو قطر میں 2021 کے عرب کپ کے ورژن میں ہوا تھا۔

Source: social media