پردھان منتری آدرش گرام یوجنا ‘کے تحت منتخب دیہاتوں کے لئے نوڈل افسر مقرر

’ دتیا، 9 فروری  مدھیہ پردیش کے ضلع دتیا کے منتخب 31 دیہاتوں میں ’پردھان منتری آدرش گرام یوجنا‘ کے نفاذ اور نگرانی کے لئے محکمہ قبائلی بہبود کے ہاسٹل سپرنٹنڈنٹس کو نوڈل افسر مقرر کیا گیا ہے۔ محکمہ قبائلی بہبود کے ضلع کنوینر ہیریندر سنگھ کشواہا نے بتایا کہ مقرر شدہ نوڈل آفیسر آدرش گرام کے مقصد کے مطابق گاؤں میں بنیادی سہولتات کے ساتھ پینے کے پانی ، صفائی ستھرائی ، تعلیم ، صحت اور غذائیت سے متعلق مجموعی حفاظت ، دیہی علاقوں میں سڑکیں اور مکانات ، بجلی اور صاف ستھرا ایندھن ، زراعت ، ڈیجیٹلائزیشن ، معاش اور ہنر مندی کے کاموں کے لئے دیہاتوں میں جا کر نگرانی اور ہر ماہ کمیٹیوں کے اجلاسوں کا اہتمام کریں گے۔یہ نوڈل آفیسر آدرش گرام یوجنا کے تحت گاؤں میں کرائے جا رہے کاموں کی پیش رفت کی تفصیلات ، بچوں ، حاملہ خواتین کی ٹیکہ کاری آیوش بھارت یوجنا کے تحت گاؤں میں مستحقین کو فائدہ پہنچانے کے لئے کام کریں گے ۔ اس کے ساتھ ہی 100 فیصد بچوں کو اسکولوں اور آنگن واڑی مراکز میں داخل کرا کر متعلقہ محکموں کے فیلڈ عملہ کے ساتھ مل کر کام کریں گے۔
(یواین آئی )